VOV4.Sêdang - Cho kong pơlê ki ai lối 280 km troăng tíu tơkăng kong achê [ă péa kong pơlê Attapeu, Sekong dêi kong têa Lếo [ă kong pơlê Ratanakiri dêi kong têa Kul, mê tung mâu hơnăm hiăng hluâ, Mố đo#i gak tíu tơkăng kong dêi kong pơlê Kon Tum hiăng pơkâ hên tơdroăng cheăng tơplâ mơdât tơdroăng pơto chơ, tê rôe tơmeăm mơdró ki ôh tá ai hlá mơ-éa phêp, tơmeăm ôh tá xê khât, tơmeăm ki tro mơdât tơkâ hluâ bo cheăng a troăng tíu tơkăng kong. Kơ’nâi kố, pó vâi krâ-nho\ng o [ă pú hmâ rơtế tơmâng tơdroăng êng tiâ pơla ngin [ă Đăi tă Nguyễn Hữu Vạn, Kăn pho\ pơkuâ ngăn Mố đo#i gak tíu tơkăng kong dêi kong pơlê Kon Tum ‘na hnoăng tơplâ mơdât tơdroăng pơto chô, tê rôe tơmeăm ôh tá ai hlá mơ-éa phêp, tơmeăm ôh tá xê khât, tơmeăm tro mơdât djâ tơkâ hluâ bo cheăng tíu tơkăng kong dêi kong pơlê Kon Tum tung pơla Têt lo hơnăm nếo hdrối kố nah.

Êng: Ô pôa, pôa ai mơnhên tối ti lâi ‘na tơdroăng pơto chô, tê rôe tơmeăm ôh tá ai hlá mơ-éa phêp, tơmeăm ki ôh tá xê khât, tơmeăm ki tro mơdât tơkâ hluâ bo cheăng tíu tơkăng kong dêi kong pơlê Kon Tum?

Đăi tă Nguyễn Hữu Vạn: Troăng tíu tơkăng kong dêi kong pơlê Kon Tum xo\n ai 280,7 km tơkoh [ă tơnêi tơkăng kong dêi péa kong pơlê Attapeu, Sekong dêi kong têa Lếo [ă kong pơlê Ratanakiri, kong têa Kul. Ai pá môi tơdroăng nếo mê cho, khu lêng gak ngăn troăng tơkăng kong dêi kong têa Kul [ă Lếo ga iâ, xua mê ivá pơkuâ rak ngăn troăng tíu tơkăng kong a kơpong ki tơdjêp [ă mâu kong têa ê khoh chiâng trâm hên pá puât. Xua ti mê, mâu khu ngế ki ‘mêi hiăng hlo drăng tíu ki khu lêng dêi kong têa vâi pú ôh tá gak ngăn krâu khât, mê vâi khoh pơto chô loăng hên h^n, pơto ‘măn rak mâu tơmeăm pơtôu, răng kơno\ng, ‘mrâm pháu ki luât ôh tá ăm phêp djâ mơdró, tê rôe, ai hên túa ki vâi ‘măn kơtôa [ă pơto chô troh a mâu tơnêi têa ki tơkoh dêi pó. Mâu khu ngế xiâm ki mơdró mâu tơmeăm mê vâi hmâ hmuâ ối dêi a tíu hơngế, vâi mung kuăn pơlê ki rêh ối achê kơpong tíu tơkăng kong, ki hên cho mâu ngế pêi cheăng. Klêi mê, mâu ko\ng nhân dêi Việt Nam tơkâ hluâ kong têa Lếo, Kul pêi pro mâu tơdroăng ki tơviah ki ko\ng nhân chiâng pêi pro, xua tơdroăng rêh kâ ối lối kơtiê xơpá, mê vâi tơ’lêi vâ xo pêi mâu tơdroăng cheăng ki pơtêh thế, pôu, tông, xoi mâu tơmeăm ki ôh tá ai hlá mơ-éa phêp mê tơkâ hluâ troăng tíu tơkăng kong. Vâi ki lu lêa pêi pro tơdroăng kố hle\ng ‘nâng, vâi klâ xing xoăng mâu tơmeăm mê i iâ, chiâng hên kơxuô, prôk tơprâ tơpru\ng, ai khu prôk hdrối prôk kơ’nâi, vâi hmâ lăm prôk tung kơmăng, a hâi pơtê, hâi leh [ă mâu kơpong kong rơvăng, ki ti ai mơngế klê. Xua ti mê, pá puât ‘nâng tung tơdroăng lăm gak ngăn, séa mơnhên dêi khu mố đo#i pin.

 Êng: Tung roh Têt lo hơnăm nếo Bính Thân, khu Mô đo#i gak tíu tơkăng kong dêi kong pơlê Kon Tum ai pơkâ pêi pro mâu tơdroăng ki klâi vâ khoh châ mơdât pơto chô mâu tơmeăm ôh tá ai hlá mơ-éa phêp, tơmeăm ôh tá xê khât [ă tơmeăm tro mơdât djâ tơkâ hluâ tơkăng kong?

Đăi tă Nguyễn Hữu Vạn: Mơnhên tối, hnoăng tơplâ tơtrâ mơdró kâ lu lêa, mơdró kâ ôh tá ai hlá mơ-éa phêp, lung lêk tung mơdró kâ, tơmeăm tá xê khât, tơmeăm tro mơdât cho hnoăng cheăng xiâm kal athế pêi pro ahdrối, tung [ă kơ’nâi Têt. Đảng Ủy Khu pơkuâ ngăn mố đo#i hiăng hnê tối i nhên hnoăng cheăng dêi tâi tâng mâu kăn [o#, mâu lêng tung đông lêng ing kơ koan Khu pơkuâ ngăn lêng troh a mâu Đông tíu tơkăng kong vâ rêm ngế kăn [o#, mâu lêng mố đo#i gak tíu tơkăng kong dêi kong pơlê Kon Tum hlê ple\ng i nhên, tơtro, mơnhên tối hnoăng cheăng dêi tơná [ă tơdroăng ki plâ mơdât khu ngế tê mơdró tơmeăm ki ôh tá ai hlá mơ-éa phêp, tơmeăm ôh tá xê khât [ă lung lêk tung mơdró kâ, xuân môi tiah mơdât mơdró mâu tơmeăm ki luât tí ăm phêp a kơpong tíu tơkăng kong. Ing mê, ngin hiăng tơku\m po roh hop, hnê tối mơnhên ăm mâu đông lêng, mâu [ơrô, mâu kơvâ cheăng dêi kơ koan ki ai tơdjâk troh mơjiâng hnoăng cheăng pêi, tí tăng séa mơnhên vâ tí tăng ‘nâi a mâu pơlê cheăm, mâu kong kế, mâu tíu ki ai tơdjâk troh tơdroăng cheăng kố vâ khoh ăm khu mố đo#i troh amê vâ gak ngăn. Thăm pêi pro kơhnâ khât tơdroăng cheăng tí tăng ‘nâi ple\ng i nhên, trâu hơngế, pêi tơtro khât ăm tơrêm ngế hlê ple\ng, xua hmâ hlo, hdrối, tung [ă kơ’nâi Têt lo hơnăm nếo hmâ ai khu ngế ki mơdró kâ ôh tá tơdrăng.

Êng: Pôa búa tối ki hiăng châ tơ-[rê ki Mố đo#i gak tíu tơkăng kong dêi kong pơlê Kon Tum hiăng châ chiâng pêi pro tung tơdroăng séa ngăn, mơdât tơmeăm ki ôh tá ai hlá mơ-éa phêp, tơmeăm ki ôh tá xê khât [ă tơmeăm ki tro Luât mơdât tê rôe tơkâ hluâ troăng tíu tơkăng kong tung mâu hâi hiăng hluâ?

Đăi tă Nguyễn Hữu Vạn: Khế tơplâ mơdât khu ngế mơdró kâ lu lêa hiăng châ po sap tơdế khế 12 hơnăm nah troh nôkố, Mố đo#i gak tíu tơkăng kong dêi kong pơlê Kon Tum hiăng châ hlo tơru\m cheăng [ă khu râ ki ê rup tơleăng 17 hdroh, ai 20 ngế, châ xo 67,5 kg mlo\i tu\m túa, lối 100 met kho#i loăng tu\m túa, 2 toăng rơxế ô tô, 3 toăng rơxế honđa, 1 toăng pháu kip [ă pơxâu phak liăn ngân, nâp ăm Hnôu rak liăn tơnêi têa 64 rơtuh liăn.

Êng: Vâ mơdât châ rơhéa tơdroăng pơto chô, tê rôe mâu tơmeăm ôh tá ai hlá mơ-éa phêp, tơmeăm ki ôh tá xê khât, tơmeăm ki tro Luât mơdât djâ tơkâ hluâ troăng tơkăng kong ki tơdjêp [ă kong pơlê Kon Tum, mâu kơ koan ki ai tơdjâk [ă khu lêng mố đo#i gak tíu tơkăng kong dêi kong pơlê Kon Tum kal athế ai tơru\m cheăng ti lâi?

Đăi tă Nguyễn Hữu Vạn: ‘Na tơdroăng hbrâ tơplâ mơdât mơdró kâ lu lêa, mơdró tơmeăm ôh tá ai hlá mơ-éa phêp, tơmeăm tro luât mơdât tê rôe ki djâ tơkâ hluâ kơpong troăng tơkăng kong kal châ tơru\m krá khât pơla mâu khu râ, kơvâ cheăng, tâng lôi to môi khu tê pêi cheăng xuân trâm pá tung tơdroăng kring vế, xua ga ai tơdjâk troh hên kơvâ cheăng, tơdjâk hên troh khu pơkuâ cheăng. Xua ti mê mố đo#i gak tíu tơkăng kong mơnhên tối hnoăng cheăng tơplâ khu ngế mơdró kâ lu luâ kố kal athế châ hên mâu khu râ, kơvâ cheăng, mâu kơ koan, mâu râ cheăng, la kal athế châ pơkuâ ngăn dêi khu pơkuâ Đảng Ủy [ă Vi [an hnê ngăn kong pơlê. Mâu khu râ, kơvâ cheăng kal athế hnê tối i nhên [ă thế râ pá kơdâm rak vế pêi pro i nhên, tro tiô tơdroăng ki hiăng k^ tơkêa, môi tiah Mố đo#i gak tíu tơkăng kong k^ tơkêa [ă khu lêng te#m tem tơmeăm mơdró tơkâ hluâ troăng tơkăng kong, Khu mố đo#i gak tíu tơkăng kong k^ tơkêa [ă Ko\ng an, Mố đo#i gak tíu tơkăng kong k^ tơkêa [ă Khu pơkuâ ngăn lêng kong pơlê, Mố đo#i gak tíu tơkăng kong k^ tơkêa [ă khu ngăn ‘na chiâk deăng [ă mơnhông mơdêk rêh ối thôn pơlê. Tung kơvâ tơplâ [ă mâu khu pro xôi a kơpong tíu tơkăng kong kal athế châ pêi pro tơdrăng khât, hôp tơpui tơno đi đo ‘na mâu tơdroăng hbrâ tơplâ mơdât khu ngế mơdró kâ lu lêa, lung lêk, kal athế tơpui tơno i nhên, rơhí rơhó, trâu hơngế. Tơdrêng amê, kal athế vâ môi tuăn tung séa mơnhên ngăn, pro i bâ tơdroăng ki xía vâ, mơnhên tối i ‘ló khât tơnêi tơníu ki ai khu ngế pro xôi, kal athế tơku\m veăng plâ ‘nhiê tơdroăng pêi pro xôi. Ing mê, pêi pro le\m tro hnoăng cheăng ki veăng hnê tối ăm khu râ Đảng, khu kăn pơkuâ vâ mơ’no mâu troăng hơlâ, túa tơplâ mơdât tơdroăng xôi ki châ tơ-[rê. Tơru\m cheăng krá khât tung hnoăng lăm pơtrui, séa mơnhên ngăn troăng tíu tơkăng kong. Tơru\m cheăng tung pơkuâ ngăn pơlê cheăm, kong kế, ‘nâi hdró inâi, mơngế khu ki pro xôi, vâ khu râ, khu lêng, mố đo#i châ hnê tối i kơtăng, uăn pât [ă rup tơleăng phak kơtăng mâu khu ngế pro xôi ki mơdró kâ lu lêa a kơpong troăng tơkăng kong.

Êng: Mơnê kơ pôa hiăng tơpui tơno [ă ngin!

            Nhat Lisa tơplôu [ă tơbleăng