VOV4.Xơ Đăng - Klêi hên rôh thế pơtê pơtân xua COVID-19 , hâi kố lơ 7/1 Festival báu Việt Nam rôh má 5 hơnăm 2021 kô pơxiâm po a kong pơlê  Vĩnh Long xua Tíu xiâm Khu ngăn ‘na chiâk deăng Việt Nam, Khu xiâm ngăn pêi chiâk deăng ƀă mơnhông thôn pơlê ƀă Vi ƀan kong pơlê Vĩnh Long tơrŭm tơkŭm po. Festival kô po tơdrêng mâu tơdroăng po leh, mê cho: Hôp tơpui tơno khoa hok ‘na mơjiâng ƀă mơnhông mơdêk pêi lo kế tơmeăm OCOP, mâu Khu tơ’noăng phái kơhiâm inâi Việt, Khu po kơchơ mơđah tơbleăng  tơdroăng mơnhông mơdêk cheăng kâ rêh ối mơhno túa lĕm tro rêh ối dêi kong pơlê Vĩnh Long, tơbăng kroăng Cửu Long, ƀă mâu kong pơlê, pơlê kong kân tung lâp tơnêi têa.

A mâu rôh hôp, mâu khu cheăng khoa hok, ƀă rak ngăn ƀă mâu khu mơdró kô tơpui tơno tăng troăng rơhlâ tah mâu tơdroăng pá tơkâ luâ tơdroăng pá vâ pêi tiô pơkâ djâ báu phái ai inâi Việt Nam mơnhông mơdêk tung tơnêi têa bă kong têa ê. 

Gương tơplôu ƀă tơbleăng