VOV4.Sêdang - Khu tơku\m po ăm ‘nâi: Festival mơhno túa le\m tro chêng koăng Tây Nguyên a kong pơlê Gia Lai hơnăm 2018 tiô tối hdrối kô po a khế 11 la ngiâ, a pơlê kong kơdrâm Plei Ku [ă a tơring }ư\ Pah.

Tơdroăng ki tơku\m po Festival mơhno túa le\m tro chêng koăng Tây Nguyên hơnăm 2018 cho vâ pơtối ô eăng ki kơnía [ă veăng kum rak vế, mơdêk tơdroăng ki mơhno túa le\m tro ‘na chêng koăng Tây Nguyên. Ing mê, tối tơbleăng, mơhnhôk mâu hdroâng kuăn ngo tung kong pơlê, tung kơpong, tung tơnêi têa rak vế, mơdêk khôi túa le\m tro [ă khôi túa dêi pơlê pơla mâu hdroâng kuăn ngo Việt Nam.

Kố cho rôh vâ mơđah tơbleăng um méa Gia Lai troh [ă mâu vâi pú tung tơnêi têa [ă kong têa ê, po rơdâ rôh tơdah mâu khu ki ‘no liăn cheăng, tơru\m mâu kong pơlê Tây Nguyên mơdêk kơpong ki rak tơniăn kring vế, gak ngăn, cheăng kal kí, mơdêk cheăng kâ rêh ối tơxâng [ă tơdroăng ki hiăng ai hlâu, ki ó rơdêi [ă hnoăng cheăng la ngiâ ki ai pơxúa kal khât tung pơla 3 kong têa mơnhông mơdêk Việt Nam, Lếo [ă Kul.

Katarina Nga tơplôu [a\ tơbleăng