VOV4.Xơ Đăng - Kơxo lơ 4/1, kong pơlê Gia Lai hiăng tơkŭm po ăm mâu lêng pêi pro hnoăng cheăng tí tăng, kơxêng kiâ mố đô̆i ki pleăng dêi hnoăng cheăng ƀă mâu ngế ki rơkê plĕng Việt Nam hlâ tung mâu rôh tơplâ a kong têa Kul, rơnó mơdrăng 2021 -2022. Veăng tung rôh tí tăng kơxêng kiâ mố đô̆i, djâ vêh kơxêng kiâ ngi dêi pơlê xiâm rôh kố ai 62 ngế kăn ƀô̆, lêng ối tung Đô̆i K52, Khu xiâm pơkuâ ngăn lêng kong pơlê Gia Lai, châ klâ pro pái khu, tí tăng a pái to kong pơlê Preah Vihear, Stung Treng ƀă Ratanakiri, kong têa Kul.

Tiô châ ‘nâi, sap ing hơnăm 2001 nah troh nôkố, Đô̆i K52 kong pơlê Gia Lai hiăng tí tăng, tơkŭm kơxêng ƀă djâ vêh 1.428 to kơxêng kiâ mố đô̆i tâp a ilâng kiâ mố đô̆i tơring Đức Cơ, kong pơlê Gia Lai.

Katarina Nga tơplôu ƀă tơbleăng