VOV4.Sêdang - Ô vâi krâ nho\ng o [ă pú hmâ! Môi tiah Rơ’jíu Việt Nam hiăng mơ’no tối, a cheăm Ia Dêr, tơring Ia Grai, kong pơlê Gia Lai nếo ai mâu ngế ki hlâ klâk têa, pro 3 ngế hok tro hriâm râ má 1 hlâ. Bu to lâi hơnăm achê pơla kố, a cheăm Ia Dêr hiăng ai 8 ngế vâi ‘ne#ng hlâ, lâp kong pơlê Gia Lai ai troh 35 ngế hlâ xua klâk têa. Công Bắc, ngế chêh hla tơbeăng  cheă tung Rơ’jíu Việt Nam a kơpong Tây Nguyên ai [ai chêh tối ‘na tơdroăng ki xâu xía kố, pó vâi krâ-nho\ o kôm tơmâng.

Nếo klêi kâ têt, hiăng hlo ai tơdroăng khéa kho tung Plei Blang Một, cheăm Ia Dêr, tơring Ia Grai, kong pơlê Gia Lai xua kơdrâ hlo 3 ngế vâi ne#ng nếo bu 8 troh 9 hơnăm hlâ; mê cho Ksor Lực, Puih Khưn [ă Puih Phơn. Rơthăm khéa kho tâ nếo, tu\m 3 ngế vâi ‘ne#ng mơngế Jarai mê xuân cho nho\ng o kuăn tăm, kuăn mêh, hngêi ối achê dêi rơpó [ă hlâ tơchuôm tung môi to long têa achê hngêi. Rế khéa kho, mâu nôu pâ tung rơpo\ng hngêi rế tâ khéa dêi tơná ôh tá hnê pơchân dêi kuăn ‘ne#ng xua tơhrâi to lăm pêi chiâk pêi deăng mê khoh ai tơdroăng xía vâ a long, a kroăng a rơtâ tá pơlê. Pôa Rơchom Hunh, mêh xiâm dêi 2 ngế cháo Puih Khưn [ă Puih Phơn tối, ăm ‘nâi:  Rơpo\ng hngêi ngin dế trâm tơdroăng khéa, nếo klêi hía dêi cháu, tro hlâ klâk têa, ngin tơmiât khéa ‘nâng xua tơvâ tơvân pêi dêi chêk deăng, ôh tá [e#ng ê hnê pơchân dêi mâu kuăn ‘ne#ng mê khoh trâm tơdroăng khéa kho. Klêi rôh kố, ngin púi tơngah mâu nôu pâ, jâ pôa thế tơmâng khât troh kuăn ‘ne#ng kuăn cháo hnê pơchân vâi nhên tâ. Kơ’nâi trâm tơdroăng kố, thế pôi tá ti mê xếo, mâlối [ă mâu rơpo\ng ki ai long thế kâng kơnâng rơtâ tá long ăm krá, pôi tá ăm vâi ‘ne#ng châ mot klê têa vâ ví tơdroăng ki rơ-iêu.

Kố ôh tá xê rôh apoăng pơlê Plei Blang Một hlo ai tơdroăng khéa kho xua kuăn ne#ng kuăn cháo hlâ klâk têa. Bu kơtăn kố lối môi hơnăm, rơnó mơdrăng hơnăm 2013, kuăn pơlê xuân hiăng trâm tơdroăng khéa kho há, klêi kơ’nâi rôh vâi ‘ne#ng hlâ klâk têa tiah mê, pro 3 ngế cháu tơx^n hlâ a long dêi pơlê. ‘Na cheăm Ia Dêr, tơring Ia Grai, kố cho hnăm má 3 ki pơtối trâm tơdroăng vâi ‘ne#ng hlâ klâk têa [ă 8 ngế vâi ‘ne#ng hlâ. 

Tơdroăng ki tơngôu dêi mâu nôu pâ, tơdroăng vâi ‘ne#ng ôh tá chiâng klê têa, tơdrêng [ă tơdroăng ôh tá kâng kơnâng rak tơniăn a long têa, mê cho ki xiâm khoh pro vâi ‘ne#ng hlâ klâk têa a cheăm Ia Dêr. Pôa Puih Alốt, kăn [o# ngăn pơkeăng cheăm Ia Dêr, tơring Ia Grai, kong pơlê Gia Lai ăm ‘nâi: To lâi hơnăm kố hlo hlâ klâk têa đi đo, hơnăm ki lâi xuân ai mâu vâi ‘ne#ng hlâ xua hum têa long ki vâi chiâ dêi vâ toh kơphế, a xuân pêi cheăng peăng hngêi pơkeăng cheăm a xuân hiăng hnê tối ăm kuăn pơlê hên hdrôh, klêi mê nôu pâ lăm pêi chêk hơngế ôh tá châ rak ngăn krâu dêi kuăn ‘ne#ng, pin kal thế kâng kơnâng rơtâ tá long lơ kâng [ă hlâm meăm lơ [ă kơlá kơlo vâ vâi ‘ne#ng pôi tá châ mot hum tung long ah lơ ai tơdroăng ki khéa kho.

Tiu khu ngăn cheăng pêi mố đo#i tro rong [ă rêh ối pơlê pơla dêi kong pơlê Gia Lai tối, bu to lâi hơnăm hiăng hluâ, lâp tung kong pơlê hiăng ai chât hdrôh ngế vâi ‘ne#ng hlâ klâk têa, pro 35 ngế vâi ‘ne#ng hlâ. Tâi tâng rôh hlâ klâk têa a rơnó mơdrăng, rôh mâu hok tro pơtê hriâm, vâi brôk dêi rơpó lăm hum têa tung long, têa pró. Mơhé rêm hơnăm mâu khu râ kơvâ cheăng a kong pơlê Gia Lai xuân ai tơdroăng hnê hbrâ í krâu, kal athế ví ing xía vâ xua hlâ klâk têa malối [ă mâu vâi ‘ne#ng, la tơdroăng kố preăng hlo vâi nôu pâ, pơlê cheăm hvâ hbrâ kơchăng. Tung lâp kong pơlê hâi teăm hlo long klê têa dêi tơnêi têa ki mơjiâng pro vâ mơhriâm ăm vâi ‘ne#ng klê têa, nếo ai bu péa pái to long klê têa xua kuăn pơlê mơjiâng pro xêh a pơlê kong kơdrâm Plei Ku. Xua mê, tơdroăng hnê ăm vâi ‘ne#ng klê têa trâm hên pá puât, mâu khu tơru\m cheăng, khu grup, hngêi trung xuân bu hnê ăm vâi ‘ne#ng pơtâp klê têa ki tre#ng! Pôa Nguyễn Ngọc Hải, kăn bơrô ngăn vâi ‘ne#ng, ối tung Khu ngăn cheăng pêi mố đo#i tro rong [ă rêh ối pơlê pơla dêi kong pơlê Gia Lai ăm ‘nâi: Nôkố tung kong pơlê ôh tá ai hngêi trung ki lâi hnê ăm vâi ‘ne#ng klê têa. ‘Na môn klê têa dêi Khu ngăn ‘na mơhno túa le#m tro-tơ’noăng ivá [ă ôm hyô tối tung mâu hơnăm hiăng hluâ xuân lôi, ôh tá ai tung tơdroăng hnê. Kố cho tơdroăng ki tô tuăn dêi mâu khu ngăn’na kơvâ cheăng, malối Khu ngăn cheăng pêi mố đo#i tro rong [ă rêh ối pơlê pơla. Tung la ngiâ, ngin kô pơtối ti tăng ‘nâi ple#ng tối ăm khu râ kăn pơkuâ, xuân mơtiah tơru\m cheăng [ă mâu kơvâ cheăng hnê tối, pro khât tơdroăng cheăng kố i nhên tâ, ai pơxúa tâ vâ kum vâi ‘ne#ng chiâng klê têa hbrâ ví tro klâk têa, malối tung rơnó pơtê hriâm hiăng vâ chê troh.

Ôh tá ai long têa vâ hriâm klê, iâ ai tiu ki ăm vâi ‘ne#ng xah hêi, mê troh  a rơnó pơtê, vâi o hok tro hmâ brôk dêi pó lăm hum têa long, têa kroăng la ôh tá chiâng klê têa. Mê cho ki xiâm khoh pro vâi ‘ne#ng hlâ klâk têa a kong pơlê Gia Lai. Nôkố dế mot tung rơnó tô, mâu hok tro hiăng vâ chê troh rơnó pơtê hriâm, mâu nôu pâ [ă khu râ, kơvâ cheăng dêi kong pơlê Gia Lai kal thế tơmâng khât, rak ngăn kuăn ‘ne#ng krâu vâ ví tơdroăng khéa kho, s^ng hơ’nêng.

Gương tơplôu

Klôh têa-tíu ki 3 ngế muăn ối ku\n a cheăm Ia Dêr, tơring Ia Grai, kong pơlê Gia Lai hlâ klâk têa.