Hơnăm kố bu nếo châ 16 hơnăm, la o Ksor H’Nam ối a [uôn Choah, cheăm Uar, tơring Krông Pa, kong pơlê Gia Lai hiăng xo kơnốu châ 2 hơnăm kố [ă pôu nôu môi ngế kuăn lối 1 hơnăm, ngế kuăn mê tro kr^n, ôh tá păng kân. H’Nam tối: Klêi kơ’nâi rơneh kuăn châ lối 3 khế mê rơpo\ng ôh tá ai kế kâ, ôh tá ai têa tôu ăm kuăn âu, mê kuăn chiâng kr^n môi tiah kố. Vâ ai têa tôu ăm kuăn âu, rêm hâi ga  pế rơhế ăm kuăn kâ, thăm nếo hên rôh phái xuân ôh tá ai xếo vâ pế.

Tơdroăng ki re\ng xo kơnốu dêi H’Nam oh tá ai tơdroăng ki vâ tơpui, xua vâ dêi rơpó, mê ga xo. Rơpo\ng péa pâ xuân ăm phêp, xua ôh tá chêh inâi xo on veăng, khu kăn [ă kơvâ cheăng ki ai tơdjâk troh ôh tá hnê tối. Ksor H’Nam ăm ‘nâi, klêi kơ’nâi 2 hơnăm xo kơnốu, tơdroăng rêh ối dêi rơpo\ng hngêi rế hía rế xơpá.

‘’Á xo kơnốu drêng á bu nếo 14 hơnăm, mê tơdroăng rêh ối á nôkố gá tơpá khât, ôh tá ai tơnêi pêi kâ. Kơnốu hmôu pơ prôk lu li ôh tá tơmiât cheăng ăm kơdrâi kuăn. Hên rôh ôh tá ai phái kâ, kuăn ‘ne#ng tamo đi đo, mê nôkố khéa hơ’nêng khât ‘na tơdroăng ki á re#ng xo kơnốu, á rơhêng vâ mâu ngế ki ê pôi tá pro môi tiah á ôh’’.

H’Nam ai tối tiah mê.

Cheăm Ia Rmok xuân cho cheăm dế ai hên ‘na tơdroăng ki re\ng xo on veăng tá hâi tro hơnăm a tơring Krông Pa, kong pơlê Gia Lai. Môi tiah Rơ Lan H’Riếm, ối a [uôn H’Nga, cheăm Ia Rmok, tơring Krông Pa cho môi ngế ki vâ pơtih. Kơtăn kố ai 3 hơnăm, drêng dế hriâm lâm 8 mê o pơtê hriâm vâ xo kơnốu.

Rơ Lan H’Riếm ăm ‘nâi, sap ing rôh xo on veăng troh nôkố, tơdroăng rêh ối cheăng kâ rơpo\ng hngêi hlo ôh tá tơniăn. Prế on veăng ôh tá ai cheăng pêi, rêm hâi ngế kơdrâi pôu dêi kuăn lăm kơ’nêi ro ăm dêi nôu, pâ, mê ngế kơnốu ôh tá vâ pêi cheăng bu to lăm hêi [ă ôu drôu tê.

Tiô riân ngăn, tung hơnăm 2016 tung tơring Krông Pa, kong pơlê Gia Lai ai lối 150 ngế xo on veăng tá hâi tro hơnăm, [ă sap ing apoăng hơnăm troh nôkố, kơ koan ki ai tơdjâk troh xuân hiăng châ ‘nâi lối 100 ngế xo on veăng tá hâi tro hơnăm.

Pôa Đỗ Đức Trình, kăn pơkuâ Tíu xiâm ngăn ‘na pơ’leăng mâ mơngế tơring Krông Pa, kong pơlê Gia Lai ăm ‘nâi, vâ mơdât tơdroăng ki xo on veăng tá hâi tro hơnăm, tung la ngiâ ah, Tíu xiâm xuân hiăng ai hên troăng hơlâ pơkâ mơ’no. Laga, xua hên tơdroăng, môi tiah, xua ôh tá hriâm tâp, ôh tá ‘nâi ple\ng ‘na luât dêi mâu kuăn pơlê, malối cho khôi túa tơlá dêi vâi krâ nho\ng o tá hâi hơ’lêh hên. Rơtế [ă mê, tơdroăng ki to\ng kum dêi khu kăn tơring, cheăm tá hâi kơhnâ.

‘’Ai hên tơdroăng ki xo on veăng tá hâi tro hơnăm a kơpong hdroâng kuăn ngo. Kố cho khôi túa tơlá sap ing nah troh nôkố dêi hdroâng kuăn ngo, tá mâu nôu, pâ, lơ kuăn ‘ne\ng. Ai hên hok tro hiăng lo pơtê hriâm vâ xo kơnốu, ki hên hơnăm bu nếo 16, 17 hơnăm hiăng ai kơnốu’’-Pôa Trình ăm ‘nâi tơ’nôm tiah mê.

Maluâ kơ koan ki ai tơdjâk troh hiăng pơkâ mơ’no hên tơdroăng chiâng pro tơdroăng ki xo on veăng tá hâi tro hơnăm, la tơdroăng kố rêm hơnăm ai lối hr^ng ngế môi tiah a tơring Krông Pa, kong pơlê Gia Lai cho ki xiâm. Ki khât gá tơdroăng kố ăm hlo, tơdroăng ki mơnhên ngăn ‘na xo on veăng tá hâi tro hơnăm a kố tá hâi krá khât, mê chiâng pro ai hên tơdroăng ki ôh tá tơniăn, tơdjâk troh ‘na pơ’leăng mâ mơngế xuân môi tiah mơnhông mơdêk cheăng kâ rêh ối pơlê pơla a tơring, cheăm kố.

Văn Thi chêh

Katarina Nga tơplôu [ă tơbleăng