VOV4.Sêdang - Kơxê hâi lơ 25 khế 2, a hngêi hôp kân dêi Vi[an kong pơlê Gia Lai, Khu pơkuâ ‘na hbrâ ví kong prâi pro ôh tá tơniăn [a\ ti tăng to\ng xo mâu ngế hliăng tiâ kong pơlê Gia Lai hiăng hôp tơbleăng tơdroăng po rơdâ hbrâ ví kong tô khăng khoăng; hbrâ tơpâ on chếo kong; hbrâ ví kong prâi ôh tá tơniăn [a\ têa kân lân lu hơnăm 2016. Xông tơpui a roh hôp, khu kăn pơkuâ kong pơlê Gia Lai hnê mơhno: Tung la ngiâ, kơvâ ngăn pơkeăng [a\ khăm pơlât kong pơlê [a\ mâu tơring kal mơjiâng khu séa ngăn ‘na kong tô khăng khoăng vâ ai túa to\ng kum, kơdroh tro lu\p kế tơmeăm khoăng xua kong prâi ôh tá tơniăn. Khu pơtâng tối hyôh kong prâi kơpong Tây Nguyên đi đo teăm tơbleăng kong prâi pro ôh tá tơniăn ăm mâu kơ koan dêi kong pơlê vâ ai troăng xúa têa tơtro. Kơvâ pơkuâ ngăn ‘na pêi chiâk deăng [a\ mơnhông mơdêk thôn pơlê po rơdâ mâu túa mơ’no têa tơtro, ai ivá xing xoăng têa tung pêi chiâk deăng, ôh tá ăm ai tơdroăng kuăn pơlê tá bê têa ôu hum roh jíu. Po rơdâ tơdroăng tơpâ on chếo kong; hbrâ mơdât tơdroăng tro on chếo, tơmeăm pơtôu; séa ngăn teăm hbrâ mơdât pơrea\ng xông tâ tú, hbrâ ví kơklêa vâ tơniăn tung pêi chiâk deăng [a\ rêh ối pơlê pơla [a\ hía hé.