VOV4.Sêdang - Khu ki tơleăng dêi hngêi tơleăng xivil kong pơlê Gia Lai nếo tơbleăng pơxâu phâk: kroăng phâk Đinh Điếch 8 hơnăm. Kroăng phâk Đinh Gên 7 hơnăm xua xôi ‘’Kơdê mơngế’’. Đing Liung, Đinh Alim rêm ngế kô phâk 12 khế xua xôi ‘’Kơtoâ mơngế ki xôi’’. Mâu ngế ki kroăng phâk mê cho ối a pơlê Quel, cheăm Sroh, tơring Kông Chro. Sap hơnăm 2010 troh mơ’nui hơnăm 2014, pơlê Quel ai mâu ngế tro pơrea\ng hlâ. Nhôm poâ Đinh Hi, mơngế rơtế tung pơlê ai pơkeăng te\ng pro hên ngế tamo châi, klêi mê, hlâ a 11 chô kơmăng hâi lơ 13 khế 10 hơnăm 2014, drêng dế prôk rơtế rêm ngế tung pơlê ôu drôu a kuât dêi pơlê, Đinh Điếch hiăng djâ Đinh Gên tôu pâm Đinh Hi hlâ. Troh dâng 1 chô kơxo hâi lơ 14 khế 10 hơnăm 2014, poâ Đinh Hi prôk sap kuât vêh a hngêi, mê tro Đinh Điếch [a\ Đinh Gên prôk kơ’nâi, hyôa ngăn. Drêng poâ Đinh Hi hiăng vâ troh dêi a hngêi mê tro Đinh Gên râng loăng pâm. Rơtế a mê, Đinh Điếch râng xơkê pâk poâ Đinh Hi kơtong a troăng, hlâ tơdrêng mê.