VOV4.Sêdang - A kơpong Tây Nguyên, kong tô mơdrăng rế hía rế hlo tôu ó. A kong pơlê Gia Lai hiăng ai lối 8 rơpâu ha deăng pêt kế tơmeăm trâm kong tô mơdrăng, [ă tâi tâng tro lu\p lối 100 rơtal liăn. Hên tíu tung kong pơlê Gia Lai, mâu têa kroăng, têa pró, rơchoâ, hno long têa hiăng siâ tâi, kuăn pơlê dế ối tơpá khât tăng têa vâ tôh dêi kế tơmeăm ăm mâu hdrê loăng pêt. Tiu tối tơbleăng dêi Khu ngăn ‘na chêk deăng [ă mơnhông mơdêk cheăng kâ rêh ối thôn pơlê kong pơlê Gia Lai ăm ‘nâi, hiăng ai 14 tung 17 tơring, pơlê kân tro lu\p ‘na kế tơmeăm xua kong tô mơdrăng. Hên klâng a mâu tơring môi tiah: }ư\ Pah, K[ang, Đak Đoa kế tơmeăm hiăng hlâ răng tâi tâng. Mâu kơpong ki hmâ pêt kơphế, tiu môi tiah }ư\ Prông, }ư\ Pưh, }ư\ Sê, Đak Đoa dế ối trâm [ă tơdroăng ki tro lu\p kế tơmeăm. Troh nôkố, tung lâp kong pơlê hiăng ai dâng 8 rơpâu 300 ha hdrê pêt loăng pêt trâm kong tô mơdrăng, tung mê, ai 5 rơpâu 500 ha kơphế [ă lối 2 rơpâu 500 ha báu, tâi tâng tro lu\p dâng 105 rơtal liăn.    

            Katarina Nga tơplôu

Báu rơnó xeăng tô a tơring }ư| Pah răng hlâ xua kró têa.

Rơpo\ng pôa Rơ]o\m Ing tăng têa vâ tôh dêi deăng kơphế.