VOV4.Sêdang - Rôh hôp má 9, Kuo#k ho#i hneăng má 13 hiăng mơgêi a hâi lơ 26 khế 6. Rôh hôp kố hiăng tơ’mot tơdroăng ki séa, tơmâng ngăn dêi hên h^n kuăn pơlê kong pơlê Gia Lai. Kuăn pơlê tối tiah kố, rôh hôp hiăng tơpui trâu hơngế, tơpui hên tơdroăng ki kal, mâu tơdroăng ki kuăn pơlê rơhêng vâ tơmâng. Kuăn pơlê rơhêng vâ rôh hôp kố pêi pro châ tơ-[rê tâ, klêi kơ’nâi rôh hôp, Chin phuh [ă mâu khu xiâm, kơvâ cheăng kal pêi pro mâu tơdroăng pơkâ dêi Kuo#k ho#i. Pôa Lê Trung Thiệu, ối a pơlê kong kơdrâm Pleiku, kong pơlê Gia Lai tối: Á hlo tuăn hiâm, hnoăng cheăng dêi mâu kăn Kuo#k ho#i a rôh kố, kăn ki lâi xuân pôu râng dêi hnoăng cheăng. Sap ing tơdroăng ki hbrâ, sap ing tơdroăng ki tơpui tơno, kơ-êng pơrá tro khât mê tiô á, rôh hôp kố gá hiăng tro khât. La vâ tơdroăng pơkâ dêi Kuo#k ho#i ki hiăng tơpui tơno, châ pêi pro, tung tơdroăng rêh ối dêi kuăn pơlê mê cho tơdroăng ối pá. Peăng Chin phuh athế pêi pro môi tiah lâi vâ tơdroăng pơkâ kố dêi Kuo#k ho#i ăm gá tơtro, malối cho ‘na tơdroăng cheăng ki kân ki Kuo#k ho#i [ă tơdroăng pơkâ mê cho mơjiâng pro Tơraih tơ-[ai Long Thành.