VOV4.Sêdang - Tiô riân ngăn ăm ‘nâi, hneăng hơnăm 2011- 2019, kong pơlê Gia Lai hiăng mơhnhôk, to\ng kum châ vâ chê 32.700 rơtal liăn vâ tối tơbleăng pêi pro tơdroăng pơkâ dêi tơnêi têa ‘na mơjiâng thôn pơlê nếo.

Tung tâi tâng kơxo# liăn, mâu kơvâ cheăng, tơring, cheăm hiăng kơjo kum ăm tơdroăng ki mơnhông mơdêk, xing xoăng ‘no cheăng mơjiâng pro hngêi trăng, troăng klông thôn pơlê [ă mơnhông ‘na hnê hriâm a thôn pơlê, to\ng kum hnê cheăng, mơdêk tơdroăng rêh ối hloh hlê rơkê ple\ng [ă rak vế krá tơniăn gâk kring pơlê pơla cheăm bêng.

Luâ 10 hơnăm kong pơlê hiăng mơhnhôk kuăn pơlê veăng tơlo lối 1.150 hâi pêi cheăng [ă pleăng lối 816 rơpâu met karê tơnêi vâ mơjiâng pro mâu kế tơmeăm môi tiah: troăng prôk, hngêi mơhno túa le\m tro, mơgrúa le\m kong prâi tơnêi tíu.

Troh nôkố, kong pơlê Gia Lai hiăng ai 58 to cheăm pêi klêi [ă dế mơ-eăm troh mơ’nui hơnăm 2019 ai tơ’nôm 14 to cheăm pêi klêi tơdroăng pơkâ.

Katarina Nga tơplôu [ă tơbleăng