VOV4.Sêdang - Tơdjâk troh rôh ko ‘nhiê kong a tíu tơkăng kong cheăm ia O, Khu rak ngăn loăng pơlái kuăn kiâ kong tơring Ia Grai, kong pơlê Gia Lai nếo ai tối tơbleăng: Sap ing apoăng hơnăm 2019 troh nôkố, a kơpong 344, kong tíu tơkăng kong cheăm ia O ai 2,7ha kong tro ko ‘nhiê.

Mâu kơ koan ki ai tơdjâk troh xuân dế pơtối po rơdâ séa ngăn, mâu [ăng tơnêi hiăng [ă dế tro ko ‘nhiê a kơpong 344 [ă kơpong ki achê. Malối, tung pơla kố hbrâ vâ mot tung rơnó pêt kế tơmeăm hơnăm 2019, tơdroăng ko ‘nhiê kong pro chiâk deăng rế ôh tá tơniăn tâ.

Hlo ai tơdroăng kố, Khu rak ngăn loăng pơlái kuăn kiâ kong tơring Ia Grai hiăng pâ thế Khu rak ngăn loăng pơlái kuăn kiâ kong Gia Lai ai hlá mơ-éa pơkâ thế mâu khu râ, kơvâ cheăng ki ai tơdjâk troh mơdât mâu rôh ko ‘nhiê kong ôh tá tro luât, pơxâu phâk kơtăng mâu ngế ki pro xôi malối cho mâu ngế ki pơkuâ djâ xiâm, mâu ngế ki pơklât thế, tơtrâ [ă mâu tơdroăng ki pơkâ rak ngăn kong.

Katarina Nga tơplôu [ă tơbleăng