VOV4.Sêdang - Kơxo lơ 9/12, Ho#i đong hnê ngăn kong pơlê Gia Lai hneăng má 19 po rôh hôp má 11. Hơnăm hiăng luâ, tơdroăng cheăng kâ - rêh ối pơlê pơla kong pơlê Gia Lai hlo hơ’leh khât, ai 21/21 tơdroăng pơkâ Ho#i đong hnê ngăn kong pơlê pơkâ mơ’no pêi klêi [ă tơkâ luâ tâi tâng mâu túa pơkâ. Mơdêk ‘na cheăng kâ dêi kong pơlê Gia Lai châ 8,16%, nâp liăn vâ chê 5 rơpâu rơtal liăn.

Gia Lai po rôh hôp Ho#i đong hnê ngăn kong pơlê rôh má 11

Tung pơla tơdroăng ki pêi chiâk deăng trâm pá puât xua yă mâu kế tơmeăm pêi lo ing chiâk deăng chu rơpâ, kong pơlê hiăng tơku\m hnê mơhno ‘mâi pêt mâu kế tơmeăm, tơdrêng amê hnối tơ’mot mâu khu mơdró kâ ‘no liăn tung mâu kơvâ cheăng uâ mơdiê [ă ‘mâi pro on tơhrik.

Tung hơnăm, hiăng ai vâ chê 20 rơpâu rơtal liăn châ mâu khu ki ‘no liăn cheăng k^ tơkêa ‘no tung mâu tơdroăng tơkêa tung kong pơlê. Tối tơbleăng a rôh po hneăng hôp, pôa Dương Văn Trang, Kăn cheăng tung tíu xiâm Đảng, kăn pơkuâ ngăn Đảng, kăn hnê ngăn Ho#i đong kong pơlê Gia Lai ăm ‘nâi, maluâ cheăng kâ rêh ối pơlê pơla dêi kong pơlê hlo hơ’leh la ki khât xuân ôh tá iâ mâu tơdroăng ki tá pêi pro tro.

A rôh hôp, mâu kăn tối, iâ pơkâ mơ’no mâu troăng hơlâ ‘mâi mơnhông vâ pêi klêi mâu tơdroăng cheăng kâ rêh ối pơlê pơla hơnăm 2020.

Katarina Nga tơplôu [ă tơbleăng