Pái khế apoăng hơnăm, a kơpong kong dêi Khu pơkuâ kong tât khía Đăk Đoa, kong pơlê Gia Lai ai 2 roh on chếo kong. Roh achê má môi a hâi lơ 18 [a\ 19 khế 3, pro vâ chê 7 ha kong ki ai xêh [a\ dâng 3 ha kong loăng keo, loăng ‘mốu dêi kuăn pơlê tro chếo. Hdrối mê, apoăng khế 1, xuân a kơpong kố, lối 10 ha kong loăng hngó pêt a hơnăm 2003, 2004 [a\ 2010 tro chếo.

Môi roh on chếo kong a Khu pơkuâ kong tât khía Đăk Đoa

Ki tơtro\ng má môi, xiâm kối chiâng chếo xua ôh tá kơchăng dêi khu pơkuâ kong, pêi pro xôi pơkâ, môi tiah pơkâ ‘na chôu treăm pu, pê chiâk deăng bro chếo kong. Pôa Nguyễn Hồng Quân, Pho\ pơkuâ kong tât khía Đăk Đoa tối:

‘’Ai tơdroăng kố cho xua khu pơkuâ kong pêi pro tơkêa [a\ mơngế pêi ‘na hbrâ mơdât on chếo hơnăm 2018. Drêng pro tơdroăng kố cho a mơ’nui khế 12. Klêi kơ’nâi pêi mê khu pơkuâ kong xuân hlo kăn [o# séa ngăn tá hâi nhên, [a\ hâi hnê mơhno kuăn pơlê tá hâi tơniăn. Khu pơkuâ kong kô xo vế túa ki rơkê tơtro vâ la ngiâ pro krá tơniăn tâ mê nếo’’.

Pơtối ai roh on chếo kong a Gia Lai

Ôh tá xê to kong ki ai xêh, kong pêt hiăng hên hơnăm, hên [a\ng kong nếo pêt xuân chếo. Ki má lối cho roh chếo a hâi lơ 27/1 a Khu pơkuâ kong tât khía }ư\ Sê. Vâ chê 14 ha loăng nhe\n nếo pêt hơnăm nah hiăng chếo tâi tâng. Pôa Đinh Mạnh Phong, Kăn pơkuâ kong tât khía tât khía }ư\ Sê tối ăm ‘nâi, [a\ng chếo cho xua Khu tơkêa [a\ mâu rơpo\ng pêt. Xua pêi pro tơdroăng hbrâ mơdât on chếo ôh tá tơtro mê chiâng chếo, ôh tá kâi vâ tơpâ:

‘’Tơdroăng hbrâ mơdât on chếo vâi xuân tá hâi châ tiô pơkâ mê lôi ai tơdroăng on chếo a kơpong kong nếo pêt. Tung la ngiâ, khu pơkuâ xuân pêi pro tâi tâng mâu nho\ng o pơkuâ rak ngăn kong tung tơring thâ mơhnhôk vâi krâ pêi tơtro tơdroăng hbrâ tơpâ on chếo kong. {a\ tung rơnó mêi la ngiâ khu pơkuâ cheăng kô to\ng kum vâi krâ hdrê pêt vâ pêt tung mâu [a\ng ki chếo’’.

Chếo kong cho xiâm kối ôh tá vâ kơchăng dêi khu pơkuâ kong

Tiô pôa Trương Văn Nam, Pho\ pơkuâ {ơrô pơkuâ - gak ngăn kong, Kơ koan xiâm gak ngăn kong dêi kong pơlê Gia Lai tối, 3 hơnăm hdrối, kong pơlê ôh tá ăm ai roh on chếo kong. Laga sap apoăng hơnăm troh nôkố, pơtối ai mâu roh on chếo kâ kong. Tung mê, ai 3 roh on chếo kong kân, pro tro lu\p tâi tâng 33 ha kong. Rơtế [a\ xiâm kối xua kong prâi hơnăm kố tô ó, kong tô ton mê chếo kong xua lối tơngôu, ôh tá pôu râng hnoăng dêi mâu khu pơkuâ kong:

‘’Kong tô khăng khoăng ó, tâng ai on mê tơ’lêi chếo kong. Pơtih môi tiah Khu pơkuâ kong Đăk Đoa, mâu kăn [o# amê hdroh chôu hdrối laga pêi ôh tá tro tiô pơkâ pro chiâng chếo kong, tơdjâk troh kong. Cho kơ koan pơkuâ hbrâ mơdât on chếo râ kong pơlê, ngin kô pơtối ai mơ-éa hnê mơhno, mơhnhôk mâu khu cheăng pêi pro kơtăng vâ kơdroh iâ má môi ‘na tơdroăng chếo tung kong pơlê’’.

Kong pơlê Gia Lai nôkố ai dâng 600 rơpâu ha kong, tung mê, dâng 70% [a\ng tơ’lêi on chếo kong râ 5, cho râ ki rơ-iô. {a\ tơdroăng pơtối lôi ai on chếo kong tung pơla kố nah hiăng hlo tơdroăng ki ôh tá hbrâ kơchăng tung tơdroăng hbrâ mơdât on chếo dêi hên khu pơkuâ kong. Drêng ai tơdroăng kố, Vi [an kong pơlê Gia Lai nếo ai mơ-éa hnê mơhno thâ, hnê mơhno mâu kơ koan cheăng, khu kăn pơkuâ tơring pêi pro kơtăng, tu\m mâu tơdroăng xiâm hbrâ mơdât.

Công Bắc chêh

A Sa Ly tơplôu [a\ tơbleăng