VOV4.Sêdang - Tiô khu ngăn tê mơdró kong pơlê Gia Lai, sap apoăng hơnăm troh nôkố, tâi tâng tơmeăm kong pơlê tê ăm kong têa ê châ 360 rơtuh dollars, châ 59% tiô pơkâ plâ hơnăm, tâk 22,3% tâng vâ pơchông ƀă hơnăm nah. Tung mê, kơphế cho tơmeăm ki xiâm tê ăm kong têa ê châ 57,5% tung tâi tâng ki pơxúa tê tơmeăm ăm kong têa ê. Mê tung 7 khế hdrối, kơphế a Gia Lai tê ăm kong têa ê châ 138 rơpâu tâ̆n, vâ tơ’mô 207 rơtuh dollar.

Tê kơphế ngi kong têa ê a kong pơlê Gia Lai

 Tâng vâ pơchông ƀă hơnăm 2020, tê kơphế ăm kong têa ê tâk lối 20% ‘na tơmeăm tê ƀă tâk lối 24% ki pơxúa. Khu xiâm ngăn tê mơdró Gia Lai ăm ‘nâi, pơla hdrối kố nah, mâu khu mơdró tê kơphế ăm kong têa ê hiăng rĕng mơjiâng kơpong pêt lối 34 rơpâu ha kơphế tiô pơkâ 4C, UTZ, Organic; ai pơkâ tơkŭm pêt tơtro tiô tơdroăng dế tâ pơreăng; pro tro tơdrong tâ, ki tơ-ƀrê dêi tơmeăm, tăng xiâm pêi pêt, tơnêi tíu, xúa tro mâu pơkâ tŏng kum ing mâu khu mơdró.

Gương tơplôu ƀă tơbleăng