VOV4.Sêdang - Ô vâi krâ nho\ o [ă pú hmâ! Xua ai tơdjâk ing hyôh kong prâi ôh ti dâi le\m, mê a Gia Lai tơdroăng păn oăng bu châ xo têa kơdruâ iâ, kơdroh hên tâng vâ pơchông ngăn [ă mâu hơnăm hdrối mê hía nah. Mơhé yă tí tăng rôe têa kơdruâ kơnâ sap 46 troh 50 rơpâu liăn môi kilố, kơnâ má môi tâng vâ ngăn sap hdrối mê hía nah tá hâi chói ai, la rơnó păn oăng pơla hơnăm 2014 troh hơnăm 2015 cho rôh ki khéa kho [ă mâu ngế ki păn oăng a kong pơlê kố. Nguyễn Thảo, Ngế chêh hlá tơbeăng cheăng tung Rơ’jíu Việt Nam kơpong Tây Nguyên ai chêh tơbleăng ‘na tơdroăng mê.

Pôa Nguyễn Văn Minh ối a bêng Thống Nhất, pơlê kong kơdrâm Pleiku tối ăm ‘nâi, hiăng vâ chê tâi rơnó xo têa kơdruâ, la 500 kơthung păn oăng dêi pôa bu châ xo lối chât ta#n têa kơdruâ, iâ má môi tâng vâ pơchông ngăn tung pơla 4 hơnăm achê kố. Tiô pôa Minh ăm ‘nâi, hơnăm 2014, ai hên têa ngêa tro klăng tung pơla kơphế dế lo reăng, pro 30% kơxo# oăng dêi rơpo\ng pôa tro hlâ. Mâu oăng [ă ivá dêi oăng pơrá hiăng chu kơdroh, xua mê, mot tung rơnó kúa chhá kơxu, kơxo# têa kơdruâ ki châ xo xuân chu kơdroh. Mơhé yă têa kơdruâ dế ối kơnâ sap ing nah troh nôkố, la troh a mơ’nui rơnó, rơpo\ng pôa nếo châ tơvêh dêi tu\m kơxo# liăn hiăng ‘no. Pôa Minh tối: Kơnôm yă chía to iâ, tê dêi têa kơdruâ vâ mơdrếo kơxo# liăn ki hiăng ‘no, mơhé ôh tá tro hía kơxo# liăn. La têa ngêa, têa ngo#m ai klăng tung pơla reăng kơphế tơpo, oăng lăm triê têa ngeăm drêng mê klêa tro mơđu\ng, klêi mê hlâ, khu oăng ôh tá dâi. Troh a rơnó xiâm, oăng ôh tá ai têa kơdruâ. Ki hmâ, tung môi kơthung pin châ xo dêi 8 troh 9 kơ’lo. Hơnăm kố bu châ 4 troh 5 kơ’lo, 6 kơ’lo cho hiăng hên ó. Cheăng păn oăng trâm hên tơdroăng ki pá puât. Xua ga tơkôm tơngah to kong prâi: hyôh tô hơngiú, mâu reăng ngeăm ki tơpo vâ ăm oăng triê [ă hía hé. Pá puât kéa lâi mê á xuân kơdôu mơ-eăm ngăn dêi khu oăng vâ tơngah hơnăm ah ga chía châ  liăn ngân.

Chía mơhúa tâ tâng vâ pơchông ngăn [ă pôa Minh, dế nôkố, 400 kơthung  oăng dêi pôa Vũ Ngọc Lãng, ối a cheăm Bờ Ngoong, tơring }ư\ Sê hiăng châ xo dêi 15 ta#n têa kơdruâ, mơhé tiah mê, kơxo# ki mê ối iâ tâng vâ pơchông ngăn [ă hơnăm hdrối. Pôa Lãng tối ăm ‘nâi, xua ai têa ngêa ruih a mơ’nui hơnăm pro khu oăng dêi pôa hdrối nah châ xo 8 kơ’lo, nôkố bu ối 5 kơ’lo. Mơhé ti mê, klêi kơ’nâi rơnó krí kơphế, pôa hiăng pơto dêi kơthung oăng troh a kơpong ki ai hên reăng, têa ngeăm, mê khoh chía châ xo dêi liăn ngân hên. 

Khu oăng dêi rơpo\ng pôa Lãng.

{ă têa kơdruâ ki dế ai nôkố, pôa Lãng hiăng châ xo dêi vâ chê 700 rơtuh liăn, ôh tá xêo kơxo# liăn ki ‘no cheăng, pôa ối châ xo tơkâ vâ chê 400 rơtuh liăn, iâ tâ hơnăm nah. Pôa Lãng tối ăm ‘nâi thăm, tơdrêng [ă tơdroăng ôh tá châ liăn tơkâ hên, tơdroăng păn oăng thăm rế pá puât tâ. Pôa Lãng tối: Lăm troh a mâu tơring ki ê mê nếo tơngah châ chía hên têa kơdruâ, kuăn pơlê amê ôh tí ‘nâi, vâi tơmiât oăng kâ ‘nhiê tơmeăm vâi, mê vâi ‘nhiê oăng. Rơnó kơphế, 400 kơthung châ xo 4 ta#n têa kơdruâ, tâng môi tiah rêm hơnăm mê châ 8 ta#n. Kơxo# liăn ki pơto oăng konâ liăn, ‘no liăn ăm oăng châ triê têa ngeăm xuân athế ‘no liăn hên h^n, châ xo dêi liăn bu châ tơdế.

Pôa Đặng Quốc Hưng, Kăn pơkuâ Ko\ng ti rơlo liăn cheăng Oăng dêi tíu xiâm tơnêi têa ki cheăng a kong pơlê Gia Lai tối ăm ‘nâi, dế nôkố, a kong pơlê Gia Lai ai dâng 16 rơpâu kơthung oăng, rêm hơnăm châ xo troh chât ta#n têa kơdruâ mơ’no tê tơngi kong vâi ê. La tơviah hơnăm kố, xua ai têa ngêa, khu oăng xuân kơdroh bu ối dâng 7 rơpâu ta#n. Tiô pôa Hưng, vâ khoh châ pơtối rak vế dêi khu oăng, hbrâ ăm rơnó ki xo têa kơdruâ a hơnăm kơ’nâi ah, mơngế ki păn kal athế ai troăng rơhlâ tơtro vâ rak ngăn dêi khu oăng. Pôa Đặng Quốc Hưng, Kăn pơkuâ ngăn Ko\ng ti rơlo liăn cheăng păn oăng tơnêi têa, ki cheăng a kong pơlê Gia Lai hnê tối:Vâ păn oăng châ chía hên, tung mâu hơnăm la ngiâ, vâi ki păn kal athế pro tro tơdroăng. Klêi kơ’nâi păn a Gia Lai, vâi athế djâ păn dêi oăng a tíu ki ê, troh a khế 9, khế 10 vêh păn dêi oăng a tíu ton ga kô ai têa kơdruâ hên. 5 rơpâu troh 7 rơpâu khu oăng châ klâ xing xoăng, tâng ối achê dêi pó kô chía tơniăn tung pơkuâ ngăn khu oăng. Mâu ngế ki rơkê ple\ng kô châ mâu têa kơdruâ ki le\m. Mâu hơnăm la ngiâ, ngin xuân ối pơkâ păn ăm mâu rơpo\ng ki păn oăng. Ngin kố tơku\m pêi cheăng [ă mâu kong pơlê, tơring vâ tăng tíu ki păn oăng.

Tơdroăng ki ôh ti châ xo têa kơdruâ hên dêi mâu ngế ki păn oăng a Gia Lai hiăng kơdroh hên tâng vâ pơchông ngăn [a rêm hơnăm. Mơhé ti mê, tung 3 hơnăm achê pơla kố, kơlo yă tê đi đo to kơnâ luâ 30 rơpâu liăn 1 kilô cho tơdroăng ki pơxúa kân khât ăm tơdroăng ki păn oăng tung kong pơlê.

Nhat Lisa tơplôu