Mâu hâi ki hriâm apoăng hơnăm nếo 2019-2020, drêng kong hiăng vâ măng, tung roh kong mêi kân ton hâi, mâu thái cô ki hnê tung Hngêi trung hdroâng kuăn ngo ai tíu ối pơtê dêi Hngêi trung râ má péa Kroong djâ dêi pó lo lăm tăng hok tro. Tiu ki mâu thái cô hmâ lăm troh mê cho a long, djo\n, hơkôp ki pơtân a mâu chiâk deăng kong ngo, kơtăn hơngế ing hngêi trung lối 20km [ă athế tâi hên chôu mê nếo troh akố.

Hrăng plâ măng vâ mơhnhôk vâi o troh hngêi trung

Thái Đinh Hải, ai 5 hơnăm hnê a hngêi trung kố ăm ‘nâi, apoăng hơnăm hriâm ki lâi xuân tiah mê, mâu hvêa chêng prôk tăng hok tro dêi mâu thái cô akố, vâi athế tơkâ luâ troăng kong ki hliâk, trâp, lâ mâu têa plông ki hiu hdrăng [ă kơmăng ki kăng hngiú a rơnó mê hngê:

‘’A mâu pơlê ki ai tơdroăng rêh ối xahpá, hơngế hơngo mê ngin athế prôk a kơmăng vâ troh a mâu long, djo\n ki vâi pro hơkôp tung mê, mơhnhôk mâu vâi o lo lăm hriâm a hngêi trung. Tơdroăng rêh ối dêi vâi o akố, hên rơpo\ng ki pá puât păng ‘nâng, ai hên nôu pâ vâi muăn tá hâi hlê ple\ng nhên. Xua ti mê, maluâ kong mêi khía mơhot kân la mâu thái cô xuân athế lăm troh a hơkôp dêi vâi o ki nôu pâ vâi pro tung dế djo\n, tung long vâ kum ăm vâi o troh a hngêi trung, tâng prôk peăng kơhâi mê mâu vâi o lăm pêi chiâk lơ lăm mot tung kong, tâng vâi o lăm pêi chiâk pá păng ‘nâng vâ châ trâm vâi. Xua mê, ngin athế prôk lăm a kơmăng vâ trâm mâu vâi o’’.

Roh mot hơnăm hriâm nếo cho roh ki trâm hên pá puât má môi dêi Hngêi trung ai tíu pơtê Kroong, xuân môi tiah mâu hngêi trung a mâu cheăm hơngế hơngo ki ê. Klêi kơ’nâi mâu khế pơtê hriâm, tâi tâng mâu vâi o hok tro hiăng hmâ [ă cheăng chiâk deăng mê khoh hiât troh hâi ki vâ tơku\m dêi pó troh a hngêi trung.

Tơkâ luâ kong kế lâ têa plông vâ tăng hok tro

Xua ti mê, rêm kơmăng, thái cô athế lăm troh a tơrêm hngêi, hơkôp, hơpăm vâ mơhnhôk djâ vâi o lăm hriâm chư. Châ hlo tơdroăng ki kơhnâ khât tung hnoăng cheăng dêi mâu thái cô, mâu vâi o hok tro xuân hiăng hlê ple\ng nhên tuăn mơno ki le\m tro mê vâ kơdo mơ-eăm hriâm tâp. O Đinh Thị Chăng, hok tro lâm 9, Hngêi trung phôh thong kuăn ngo ai tíu ối pơtê râ má 2 Kroong, tơring K[ang, kong pơlê Gia Lai tối ăm ‘nâi:

‘’Thái cô xuân tô tuăn ‘na vâi o ‘nâng, to\ng kum tơ’lêi hlâu ăm vâi o hên ‘nâng, tá tơdroăng rêh kâ ối, tíu ối [ă tíu hriâm. Á kô mơ-eăm hriâm i rơkê, kơhnâ, ôh tá pơtê hriâm, kô lăm hriâm rêm hâi’’.

Thái Nguyễn Việt Quốc, Kăn pơkuâ Hngêi trung phôh thong kuăn ngo ai tíu ối pơtê râ má péa Kroong, tơring K[ang, kong pơlê Gia Lai tối, cho túa ki ăm hok tro ai tíu ối pơtê, la ki păng ‘nâng ga, hngêi trung kố hiăng ai tíu kâ koi ối pơtê hiăng hên hơnăm kố. Apoăng hơnăm hriâm nếo, tơdroăng ki mơhnhôk mâu vâi o troh hriâm a hngêi trung mê khu pơkuâ hngêi trung hiăng pơkâ thế rêm ngế thái cô pêi pro kơhnâ khât.

Hiâm mơno pơla thái cô chiâng ai hơ’muăn ki phoih rơ-rêk tung hiâm mơno a cheăm ối kơpong hơngế hơngo

Hrăng plâ măng, tơkâ luâ kong, lâ têa plông [ă hiăng chiâng tơdroăng ki hmâ [ă mâu thái cô a kơpong kố. Maluâ trâm pá ó tơkéa lâi, mâu thái cô [ă tá khu pơkuâ ngăn hngêi trung xuân mơ-eăm troh a hngêi trăng dêi vâi o, mơhnhôk nôu pâ, tơná vâi o mơ-eăm lăm hriâm a hngêi trung. Xua bu ai ti mê tê nếo kâi chiâng vâ pơtối rak vế pơ’leăng mâ hok tro troh a hngêi trung, tơniăn tơdroăng hnê hriâm. {ă drêng mâu vâi o troh a hngêi trung, troh a lâm mê hngêi trung athế tí tăng hên túa cheăng, túa pêi pro ki tơ’ló vâ mơhnhôk mâu vâi o troh a hngêi trung hriâm:

‘’Hngêi trung hiăng lăm troh a mâu pơlê cheăm, tí tăng ‘nâi nhên vâi o hok tro, ing mê, mơhnhôk rơpo\ng hngêi ăm dêi kuăn ‘ne\ng troh a hngêi trung. Môi tơdroăng ki pá akố, drêng mơhnhôk vâi o châ roh a hngêi trung, mê pro ti lâi kal athế châ rak vế vâi o ki mê mơ-eăm ai mâ tu\m a hngêi trung. Hngêi trung xuân hiăng tơku\m po hên mâu tơdroăng hnê hriâm pá kong chôu hriâm chư vâ kum pro ai pơxúa ăm vâi o hdrêng châ hriâm tâp, xah ôm hêi a hngêi trung’’.

Tơdrêng [ă troăng hơlâ kơjo kum a mâu pơlê cheăm ối kơpong hơngế hơngo mê kal athế ai hiâm mơno kơhnâ khât xua vâ to\ng kum hok tro, mâu thái cô a cheăm hơngế hơngo dêi cheăm Kroong, tơring K[ang, kong pơlê Gia Lai, ing mê khoh chiâng ai tơdroăng ki phoih tung hiâm mơno pơla thái cô [ă hok tro apoăng mot hơnăm hriâm nếo. Tơdroăng to\ng kum, rak ngăn dêi mâu thái cô akố cho rế vâ kum vâi hdrêng dêi kuăn pơlê akố xông kân tung tơdroăng ki hơniâp niân, tơniăn, kơhnâ hriâm tâp, hriâm rơkê xuân cho vâ kum ăm vâi krâ-nho\ng o a pơlê cheăm hơngế tơniăn tung pêi cheăng kâ.

Công Bắc chêh

Nhat Lisa tơplôu [ă tơbleăng