VOV4.Sêdang - Mâu hâi achê pơla kố, yă tiêu a kong pơlê Gia Lai chu rơpâ bu ối dâng 130 rơpâu liăn môi kilô, rơpâ tâ dâng 40 rơpâu liăn môi kilô tâng pơchông roh kố dêi hơnăm nah. Yă tiêu chu rơpâ pro tơdroăng tê mơdró kế tơmeăm kố chiâng pơtê. Ngế chêh hlá tơbeăng Việt Nam a Tây Nguyên ai chêh tối ‘na tơdroăng kố.

Lối 1 ta#n tiêu ki nếo krí xo hiăng têng khăng, hiăng chiâng tâng vâ tê, la ngoh Nguyễn Đức, ối a thôn Phú Vinh, cheăm Ia Băng, tơring }ư\ Prong, kong pơlê Gia Lai dế mung liăn pá gong vâ mơdrếo ăm hngêi rak liăn ai 400 rơtuh liăn. Ngoh Đức ăm ‘nâi, dế khế kố a hơnăm nah, tiêu ai yă sap 170 troh 175 rơpâu môi kg, la nôkố bu ối 130 rơpâu liăn môi kg: Yă tiêu chu kơdroh, kuăn pơlê ki pêi chiâk pêi deăng ngin kố tôu tuăn. Ngin ôh tá ‘nâi pro tiah lâi vâ mơdrếo liăn ăm hngêi rak liăn. Ngin cho kuăn pơlê ki pêi chiâk pêi deăng, bu ‘nâi mung to ing hngêi rak liăn vâ rak ngăn. Vâ kơxái tiu, kơphế. La ki khât gá, tiêu krí xuân kơdroh há. Nôkố, á bu pâ mơdrếo liăn che\n hrá ăm hngêi rak liăn, tâng mơdrếo hlối ôh tá kâi ôh.

Yă tiêu pơtối chu kơdroh, kuăn pơlê ki pêt tiêu pơtê tê tâi tâng, pro tơdroăng ki tê mơdró kế tơmeăm kố xuân tro pơtê há. Jâ Phạm Thị Minh Phương, ối a Bình Dương hmâ lăm troh a Gia Lai roê tiêu vâ tê ăm mâu kơchô tê mơdró a pơlê kong kân Hồ Chí Minh [ă kong pơlê Bình Phước hiăng pơtê hên hâi tơru\m tê mơdró a tíu ki pêt hên tiêu cho a tơring }ư\ Sê vâ pro tiô tơdroăng pơkâ, la tơpá khât: Á k^ hơp đông ai 130 rơpâu á dó xêh châ tê, la klê mê ôh tá châ tê tâi. Ôh tá châ tê a thế pơtê yoh tơdroăng tê dêi tơmeăm, la drêng hợp đông pin athế tro lu\p xêh. Ki tê rôe tiô kố ga ôh tá tơniăn, ôh tá chiâng tối hdrối. Nôkố tâng k^ tơkêa nếo ôh tá ai kơbố tê xếo.

Á k^ tơkêa 130 rơpâu mê tơmiât a kố tê ai yă, la tâi tâng ôh tá châ tê tâi. Ôh tá châ tê mê athế pơtê, drêng k^ tơkêa, ki mê athế tro lu\p yoh. Tơdroăng ki tê, roê kố gá bu iâ khât. Môi pâ xua yă rơpâ, kuăn pơlê ôh tá tê, ki má péa khu mơdró kâ xuân ôh tá khên vâ roê hên, xâu trâm tơdroăng ki ôh tá mơhúa tâng yă tiêu pơtối chu kơdroh. Pôa Trương Thanh Cao tối: Hdrối mê, á hiăng tơmiât Têt gá kô chu kơdroh môi iâ, hluâ têt gá to môi iâ. La hơnăm kố, tiô tuăn tơmiât á hlo ôh tá tro, á xuân ôh tá khên ‘măn, [ă apoăng rơnó á xuân ôh tá khên chôu. Tâng môi tiah yă tê dế nôkố, la ngiâ kố ah kô ai mơngế ki lu\p, chu troh 127 rơpâu liăn môi kg, vâi hiăng tơhrâ hên vâi khu tê mơdró, tâng gá to kô lu\p.

Tiô séa ngăn dêi mâu khu ki tê roê kế tơmeăm pêi lo ing chiâk deăng, xua yă tung kơchô tê mơdró dêi kơxái tiêu đi đo ối a kơlo ki to kơnâ tâng vâ pơchông [ă mâu kế tơmeăm ki pêi lo ing chiâk deăng ki ê, ai rôh gá tâk troh 230 rơpâu liăn môi kg, mê tơdroăng ki yă tê ôh tá tơniăn tung lâp lu môi tiah dế nôkố mơni kô trâm hên tơdroăng ki ôh tá mơhúa. Pôa Phan Trọng Đỏ, kăn pơkuâ Ko\ng ti pêi cheăng tiô rơnó Trọng Phát a pơlê kân }ư\ Sê, tơring }ư\ Sê tối: Kơchô tê mơdró tiêu trâm hên tơdroăng ki ôh tá mơhúa xua tơdroăng ki ôh tá tơniăn dêi yă. Ki hên oh tá ai hlá mơéa tơkêa tê, mê tơdroăng ki roê xuân ôh tá ai kơbố khên. Mâu khu ki roê, mâu ko\ng ti ôh tá khên roê ‘măn tung hnôu. Tối tơdjuôm vâi kal liăn vâi tê, la tê bu iâ. Ki hên môi tiah hâi hnah vâi ôh tá tê xếo. Ai drêng ‘nâ vâi athế pơtê vâ tí tăng hmâng ngăn ‘na yă. Mâu tíu ki roê ki hên vâi roê, tê tung môi hâi, ai hlá mơéa tơkêa mê vâi nếo khên roê.

Tiô khu pơkuâ ngăn ‘na Kơxái tiêu }ư\ Sê tối, rơnó 2015-2016, kloăng tiêu dêi kong pơlê Gia Lai tiô riân châ lối pá kơdâm 50 rơpâu ta#n, tâk péa hdroh tâng vâ pơchông [ă hơnăm 2012. Kloăng tiêu ki tê ‘no tâk hên cho môi tơdroăng ki pro chiâng ai yă tiêu chu kơdroh. Laga, tiô pôa Hoàng Phước Bính, kăn pho\ hnê ngăn khu pơkuâ ngăn kơxái tiêu }ư\ Sê tối, [ă yă ki môi tiah dế nôkố, mâu ngế ki pêt tiêu xuân tro lu\p hên, mê pôi tá re#ng tê: Á rơhêng vâ veăng tơpui tối [ă mâu ngế ki pêt tiêu, pôi tá re#ng tê. Tâng athế mơdrếo liăn ăm vâi lơ kal mâu kơxo# liăn ki xúa mê athế tê môi iâ, u ối athế ‘măn, mê ah nếo tê. Xua tiô ngin hlo, yă ôh tá kơdroh xếo ôh. Lơ tâng chu kơdroh bu kơdroh môi iâ tê, mê ah yă kô to kơnâ tâ tâng vâ pơchông [ă nôkố.

Katarina Nga tơplôu [a\ tơbleăng