VOV4.Sêdang - Kơxo lơ 3/12, Khu pơkuâ ngăn Đảng [o# kong pơlê Gia Lai po rôh hôp má 20, tơbleăng tơdroăng pơkâ dêi khu pơkuâ ngăn Đảng ‘na hnoăng cheăng kăn [o#. Châ hnoăng pơkâ thế dêi khu pơkuâ ngăn Tíu xiâm Đảng, pôa Dương Văn Trang, kăn cheăng tung Tíu xiâm Đảng, kăn pơkuâ ngăn Đảng kong pơlê Gia Lai hiăng diâp pơkâ dêi Khu pơkuâ ngăn Đảng ‘na tơdroăng ki hnê mơhno dêi pôa Nguyễn Xuân Phước, Kăn pơkuâ [ơrô Đảng ki veăng tung khu pơkuâ ngăn Đảng [o# kong pơlê Gia Lai hơnăm 2015 – 2020.

Gia Lai: Tơbleăng pơkâ dêi khu pơkuâ ngăn Đảng ‘na hnoăng cheăng kăn [o#

Pôa Nguyễn Xuân Phước, kot mâ hơnăm 1972, pơlê xiâm a tơring Nga Sơn, kong pơlê Thanh Hóa, châ pôk pro kăn pơkuâ [ơrô cheăng Đảng kong pơlê Gia Lai sap ing khế 11/2018. Hdrối mê, pôa Phước hiăng pêi a hên tíu a [ơrô cheăng Đảng dêi kong pơlê Gia Lai.

A rôh hôp rôh kố, Khu pơkuâ ngăn Đảng [o# kong pơlê Gia Lai kô hôp tơpui hên tơdroăng ki kal môi tiah: mơnhên tối tơdroăng ki pêi pro hnoăng cheăng hơnăm 2019, tối tơbleăng mâu tơdroăng pơkâ, hnoăng cheăng ki kal hơnăm 2020, tối tơbleăng hnoăng cheăng séa ngăn, pêi pro pơxâu phâk mơngế xôi tung hnoăng cheăng Đảng hơnăm 2019, túa pơkâ pêi pro hnoăng cheăng hơnăm 2020; pơchuât hlá mơ-éa ‘na rôh hôp má môi tối tơbleăng kal kí dêi Khu pơkuâ ngăn Đảng [o# kong pơlê hneăng 14 pơtroh ăm hneăng hôp Đảng [o# kong pơlê rôh má 16, hơnăm 2020 – 2025.