VOV4.Sêdang - Tơbâ 40 hơnăm hâi tơleăng le#m kong pơlê Gia Lai, kơxo hnah, lơ 17 khế 3, kong pơlê Gia Lai tơku\m pôu ngăn ilâng kiâ mố đo#i kong pơlê, chôu nhâng, pleăng reăng a Um meăn poâ Hồ [ă mâu kuăn pơlê hdrông kuăn ngo Tây Nguyên, Tíu ‘măn răk kế tơmeăm Hồ Chí Minh-ki ai tíu cheăng a Gia Lai-Kon Tum. Veăng a roh leh pôu ngăn kố ai kăn teăng mâ mâu mố đo#i kăch măng hơnăm hiăng krâ, kăn pơkuâ xiâm dêi kong pơlê, teăng mâ mâu khu râ, kơvâ cheăng, mâu tíu cheăng ối tung khu lêng kring tơniăn ki pro đông a kong pơlê Gia Lai. Poâ Trần Viết Xuân, mố đo#i hnăm hiăng krâ ki veăng tung roh tơleăng le#m kong pơlê Gia Lai tối:‘’Hâi kố, rơtế [ă mâu ngế ki mot ngăn ilâng kiâ, troh chôu nhâng ăm mâu vâi pú dêi tơná, á ‘mu\n tối mâu roh ki pá puăt ki hiăng tơkâ hluâ. Cho ngế ki tơplâ hnăm ki mê nah, klêi kơ’nâi châ hơniâp le#m a tơnêi ki kố, chiâng vâ tối,  klêi 40 hơnăm, kong pơlê Gia Lai rế hía rế kro mơdro\ng. Tơdroăng ki ó rơdêi, tơdroăng ki ‘no liăn cheăng dêi Đảng Tơnêi têa [ă tâi tâng kuăn pơlê mơjiâng tơnêi têa klêi tơleăng le#m gá kân, le#m khât. Á loi tơngah tiah kố, xo ah hmôi, Gia Lai ối mơnhông tơtêk [ă le#m tâ kố nếo’’.

Katarina Nga tơplôu