Bu tung pơla tá hâi châ 2 khế, a pu\n hơlâ troăng pơla troăng kâ 664 [a\ tíu ki ví troăng kân Hồ Chí Minh tơkâ hluâ pơlê kong kơdrâm Plei Ku hiăng ai 10 roh tơklâm rơxế, pro ki vâ iâ 4 ngế hlâ, hên ngế ki ê tro rong. Nếo achê kố, hâi lơ 23/2, a pu\n hơlâ troăng ai tơklâm ki râ ó pơla rơxế ô tô pơto tơmeăm [a\ rơxế hon đa pro 3 ngế tung môi rơpo\ng hlâ.

Troăng kân Hồ Chí Minh kơpong ví pơlê kong kơdrâm Plei Ku

Hmâ lăm tơkâ hluâ pu\n hơlâ troăng châ tối cho ‘’Tíu ki xâu xía’’ kố, pôa Trần Văn Bá ối a bêng Phù Đổng, pơlê kong kơdrâm Plei Ku tối ăm ‘nâi, ai hên tíu ki ôh tá tơniăn pro pôa [a\ hên ngế ki prôk hluâ a troăng kố tô tuăn:

‘’Á cho ngế pêi chiâk deăng akố, xuân hmâ prôk tơkâ hluâ troăng kân kố, hlo pu\n hơlâ troăng kố ôh tá ai on hnê prôk troăng, kơxo# rơxế prôk lăm hên, troăng ôh tá phuâng le\m, ôh tá châ hlo tâi troăng, xua mê prôk xuân rơ-iô. Pói vâ mâu kơ koan thế krâ on hnê prôk troăng vâ kuăn pơlê prôk hluâ tơniăn le\m’’.

Tíu tơklâm rơxế ki râ ó pro 3 ngế tung môi rơpo\ng hngêi hlâ

Tiô ngế vê rơxế Nguyễn Thanh Hiền ối a cheăm Ia Der, tơring Ia Grai, pak^ng hngêi trăng, troăng klông ôh tá tơniăn le\m, mê mâu ngế ki prôk troăng ôh tá vâ tiô luât. To têi, ôh tá vâ ngăn nhên troăng pro chiâng tơklâm rơxế [a\ roh tơklâm rơxế pro 3 ngế hlâ a pu\n hơlâ troăng kố sap ing hâi lơ 23/2 pơla kố nah cho vâ pơtih:

‘’Á cho ngế vê rơxế hmâ tơkâ hluâ troăng kố, tối tơdjuôm tơkâ hluâ pu\n hơlâ troăng kố mê troăng ôh tá phuâng le\m xua mê mâu ngế vê rơxế thế to chôa a troăng kố, tâng to têi tơ’lêi  tơklâm. Môi tiah pơla kố nah xua ngế vê rơxế kơtâu têi, tâng kơtâu chôa a troăng kố mê ôh tá ai roh trâm xía vâ môi tiah mê’’.

Kơpong troăng kố chiâng pro tíu ki kuăn pơlê tô tuăn [a\ kuăn pơlê xua tơklâm rơxế

Troăng kân Hồ Chí Minh ví kơpong kơdrâm kuăn pơlê rêh ối Plei Ku xo\n lối 30 km tơkâ hluâ mâu tơring }ư\ Păh, Ia Grai, }ư\ Prông, kong pơlê Gia Lai. A troăng kân kố, hmâ tơklâm rơxế a mâu troăng pu\n hơlâ tơdjêp [a\ troăng kân, troăng lăm a cheăm. Ki môi tiah dêi pu\n hơlâ troăng kố, ngế ki vê ôh tá vâ ngăn nhên, ôh tá teăm pât xua kơtâu têi, kô tơ’lêi pro tơklâm rơxế.

Pôa Lê Văn Hạnh, Kăn pho\ pơkuâ rak tơniăn troăng prôk [a\ rơxế kơtâu kong pơlê Gia Lai tối ăm ‘nâi, mâu roh tơklâm ki râ ó a troăng kân Hồ Chí Minh ví kơpong kuăn pơlê rêh ối kơdrâm Plei Ku, kơvâ cheăng dế po rơdâ hên túa pêi vâ kơdroh tơklâm, tơniăn troăng prôk [a\ rơxế kơtâu:

‘’Troăng kân Hồ Chí Minh ví Plei Ku mê ngin hiăng pâ thế kô pro a kố on ki hnê prôk troăng, thăm thế kơdroh to têi, ki má lối a troăng ki kơ’ve\ng kơ’vo\ng, xuân môi tiah krâ pro on ki tơbleăng hnê tối ing hơngế. Tơdroăng kố ngin kô po rơdâ tung iâ hâi la ngiâ. Khu rak tơniăn troăng prôk [a\ rơxế kơtâu kong pơlê xuân hiăng ai tơpui tơno vâ ai tơdroăng ki tơru\m pơla khu rak tơniăn troăng prôk [a\ rơxế kơtâu, thăm séa ngăn, gak ngăn a mâu troăng tơdjêp, kơ’ve\ng kơ’vo\ng’’.

Công Bắc chêh

A Sa Ly tơplôu [a\ tơbleăng