Ai môi kơxo ki mê, a lâm hriâm dêi Tíu xiâm rak ngăn, păn roăng, khăm pơlât ăm mơngế ki tro tâ trếo ‘mêi dêi kong pơlê Gialai, cô H’Khuin [ă 20 ngế hok tro dế kơhnâ tung hriâm pơchuât chư. Lâm hriâm ki tơviah kố, ai mâu o ki ‘nâ hmái ôh tá tơpui tối klâi, ai mâu ‘nâ plo\ng mâ, ai mâu ‘nâ kơbló, lơ prôk lăm pá puât, la tiô cô H’Khuin tối, tâi tâng mâu vâi muăn akố pơrá ai hiâm mơno tơdrăng le\m, kal châ hơ-ui pâ, rak ngăn, păn roăng xuân môi tiah mâu vâi ‘ne\ng mo le\m ki ê.

Kơtăn kố 5 hơnăm, drêng pơxiâm mot hnê a lâm kố nah, cô H’Khuin hiăng ai drêng ‘nâi pá kâi chân, xua mâu vâi o akố ôh tá vâ hmâng, hriâm hdrối ah piu kơ’nâi. Ai hên hdroh dế hnê [ai a lâm, mâu vâi o hmếu pơ tơkêk mơdêi, ‘nhê tơmeăm, thăm nếo, ai mâu vâi o ối lăm xiăn cô hnê:

‘’Drêng pơxiâm mơgêi hriâm a hngêi trung nah, á xâu ‘nâng, á ôh tá vâ lăm hnê, ti ‘nâi pro tiah lâi. Drêng á hiăng tí tăng ‘nâi ple\ng, ‘nâi nhên hiâm mơno dêi rêm ngế kuăn ‘ne\ng, mê á ôh tá xâu xếo tơdroăng mê. Ai mâu vâi o ki ‘nâ kal vâ tơdroăng ki tơpui tối, hnê khe\n chôa ‘lâng. Ai mâu vâi o ki ‘nâ vâi vâ ối xêh môi ngế, ôh tá vâ ối achê [ă vâi ê. Chôa ‘lâng pơlông, tối chôa lâng, mê á nếo chiâng vâ hnê tối vâi o’’.

Cô yăo H’Khuin hnê chư ăm hok tro ki xahpá

Kot mâ, xông kân a pơlê Chuet, pa k^ng pơlê kong kơdrâm Pleiku, sap ối tơx^n nah, H’Khuin hiăng pói vâ chiâng cô hnê chư. {ă tơdroăng ki pói vâ mê hiăng chiâng ai khât klêi kơ’nâi kơdôu mơ-eăm, hriâm tâp kơvâ hnê hriâm dêi Hngêi trung Kao đang Sư phăm trung ương Nha Trang, klêi mê, vêh hnê a Tíu xiâm rak ngăn, păn roăng, pơlât ăm mơngế ki tâ trếo ‘mêi kong pơlê Gialai.

Tơdrêng [ă tơdroăng hnê pơchuât chư, hnê chêh chư, cô H’Khuin ối pro mơngế nôu môi tiah tung rơpo\ng hngêi. Ai drêng ‘nâ athế lông, tơpui chôa ‘lâng, ai drêng ‘nâ pơche\m hmê kơchâi, pơche\m kơ-[ăn, mơhum, rôh ăm hmân ếo, xếo xut krúa klêi kơ’nâi mâu vâi o, vâi muăn lăm dế. Maluâ xiâm ai 5 hơnăm hnê, tơdroăng pâ puât, tơbrêi tơbrêih xuân hên, la xuân u ối tơbâ hên troh tơdroăng ki hơ-ui pâ, mơjo pâ pơla ngế cô [ă hok tro, tơdroăng kố chiâng [riê, rơrêk tung hiâm mơno:

‘’Hơnăm 2013, vâ chê 40 ngế muăn, ai muăn ki ‘nâ hiăng kân, ai muăn ki ‘nâ ối kuăn, klăng tro hâi lơ 20 khế 11, vâi lăm hnêi reăng mâ hâi kong lăm chiân ăm cô. Ngế ki lâi xuân djâ dêi pó lăm hnêi reăng mâ hâi, vâi hnêi achê hngêi trung, mâu vâi muăn ki kân vâi hnêi reăng a’ngêi tâ, mâu vâi muăn dâng ‘nâi vâi hnêi reăng ki châng ‘nâi. Ma luâ reăng ki mê ga xăng ó, la mâu vâi muăn, vâi o brôk dêi pó lăm hnê, rêm ngế pơrá ai môi kơpâu vâ lăm pleăng ăm cô. Drêng mê, á phoih rơrêk tung hiâm mơno, lo têa mâ vâ krôu hlối, kuâ mâu vâi muăn, vâi o, xua mâu vâi o xuân ai hiâm tuăn ‘nâi hơ-ui pâ kơ cô ki hiăng hnê mơhno, păn roăng vâi’’.

 Tung 5 hơnăm cho ngế cô hnê chư, môi ngế nôu ki rêm rơpiât a lâm hnê vâi muăn ki chó chêng, tơvê ko\ng, mâu hnoăng cheăng ki hnê mơhno, păn roăng mê, cô H’Khuin hiăng châ mâu kơ koan ngăn ‘na hnê hriâm, Khu pơkuâ ngăn ‘na mơngế tro tâ trếo ‘mêi dêi kong pơlê Gialai xuân môi tiah mâu nôu pâ hiăng hlo nhên hnoăng cheăng dêi cô, tung mê, hiăng ai hên [âng kơdeăn khe\n, hlá kơdeăn khe\n. Jâ Nguyễn Thị Yến Nguyệt, ối a tôh 5, bêng Thống Nhất, pơlê kong kơdrâm Pleiku, ai kuăn hriâm akố tối ăm ‘nâi:

‘’Hiăng châ 4 hơnăm kố. Hngêi trung hnê hơdruê, hnê xuâng, mâu thái hnê kơchuâ um, cô H’Khuin hnê chư. Mâu thái cô akố to\ng kum ngăn khât mâu vâi o, vâi muăn. Hiăng ai hên tơdroăng ki hiăng hơ’lêh nếo, ‘na tơpui kâ, ‘nâi hlê tung trâm tơpui tơno, êng tiâ, pêi hên tơdroăng cheăng ki ê, môi tiah xếo mơnge\n, kơpuih hngêi. Mâu vâi kuăn muăn akố ro ‘nâng, vâi kơhnâ khât ‘nâng tơdroăng hriâm’’.

Chôu mơhriâm pơchuât chư tung lâm dêi vâi o ki xahpá

Châ ‘nâi nhên [ă hơ-ui kum [ă mâu tơdroăng cheăng dêi mâu kăn [o#, thái cô a hngêi trung xiâm hnê ngăn, păn roăng, pơlât ăm mơngế tro tâ trếo ‘mêi, jâ H’Nghia, Kăn hnê ngăn Khu tro tâ trếo ‘mêi kong pơlê Gialai tối tiah kố:

‘’Hnê mâu ngế ki tro tâ trếo ‘mêi, chó chêng tơvê ko\ng, mê cô ki hnê athế kơhnâ khât, rơkê păng ‘nâng, ai hiâm mơno kâi chân. Cô H’Khuin cho ngế ki kơhnâ khât tung hnê tối, rế ai hiâm mơno hơ-ui kum, rế hâk mơnâ [ă vâi o vâi muăn, mê khoh kâi chân, vâ pơtối hnê ngăn, păn rak mâu vâi o, vâi muăn. Pêi cheăng akố, á hlo cô ôh tá lao tuăn, lơ trâm pá tiah mê pâ lo pơtê cheăng, hơ’lêh cheăng a tíu ê, thăm nếo, cô kơhnâ, hâk git [ă dêi hnoăng cheăng hnê ngăn, păn roăng vâi muăn’’.

Nhat Lisa tơplôu [ă tơbleăng