VOV4.Sêdang - Tung 6 khế apoăng hơnăm kố, klêi séa ngăn 3 rơpâu 500 hdroh tíu mơjiâng pro, mâu khu râ kăn cheăng lăm séa ngăn dêi kong pơlê Gialai hiăng châ hlo 642 hdroh tíu pro xôi luât ‘na pro ôh tá krúa kế kâ. Tung ‘’khế pêi pro xua pro rak krúa kế kâ’’ hơnăm 2016, Khu hnê mơhno ‘na pro rak krúa kế kâ kong pơlê hiăng mơjiâng mâu khu séa ngăn đi đo dêi mâu kơvâ cheăng ngăn a lối 1 rơpâu 300 tíu mơjiâng pro, uâ mơdiê  [ă tê mơdró kế kâ a 17 tơring, pơlê kong krâm, pơlê kong kơdrâm. Klêi séa ngăn, mâu khu râ, kơvâ cheăng hiăng châ hlo vâ chê 220 tí pro xôi luât ‘na tơdroăng ôh tá vâ pro rak krúa kế kâ. Tiô Khu hnê mơhno pro rak krúa kế kâ kong pơlê Gialai tối, ai tíu tăng mơdró kế kâ, la tâi tâng mâu tíu pêi dêi khu râ, kơvâ cheăng séa ngăn tơpá vâ châ ‘nâi, séa ngăn kế tơmeăm ki pro hôm le\m krúa, mê cho tíu pro tê mơdró kâ ôu, malối ‘na kế kâ ôu ki tê drô troăng kơpho#.

Gương tơplôu [ă tơbleăng