VOV4.Sêdang - Ô vâi krâ nho\ng o [ă pú hmâ! Ôh tá vâ [ă tơdroăng ki kơklêa kơtiê, kho\m mơ-eăm pêi cheăng kâ, mê cho tơdroăng ki vâi krâ nho\ng o hdrông kuăn ngo Mông, a pơlê Nậm Lộng, cheăm Hang Chú, tơring kong ngo Bắc Yên, kong pơlê Sơn La tối ‘na kăn pơkuâ chi [o# Giàng A Chinh. {ă hiâm mơno ki púi rơhêng vâ pro kro mơdro\ng ăm dêi tơná [ă pơlê, [ă ivá ki kơhnâ, tuăn hiâm rơkê, hnoăng cheăng pơkuâ, ngoh Giàng A Chinh hiăng khên tơnôu djâ troăng ahdrối tung xúa khoa hok kih thua#t tung pêt mơjiâng kế tơmeăm, păn mơnăn mơnoâ vâ mơnhông mơdêk cheăng kâ [ă chiâng ngế ki djâ troăng ahdrối tung tơdroăng kơdroh tah hrâ mơnguâ kơtiê xahpá a pơlê, cheăm kố. Thu Thùy, ngế chêh hla tơbeăng cheăng tung Rơ’jiu Việt Nam kơpong Tây Bắc ai chêh tối tơbleăng ăm vâi krâ nho\ng o ‘na kăn pơkuâ chi [o# Giàng A Chinh.

            Tung hngêi ki krá le#m dêi rơpo\ng ngoh Giàng A Chinh, ối a pơlê Nậm Lộng, cheăm Hang Chú, tơring Bắc Yên cho hngêi ki le#m má môi tung pơlê. Tung hngêi, a mơnât to [âng khe#n kơdeăn, pri, mơ-éa mơnhên dêi khu râ kăn pơkuâ cheăng Đảng kong pơlê, khu râ kăn pơkuâ hnê ngăn Chi [o#, rơpo\ng rơkê pêi cheăng kâ Giàng A Chinh.

            Tơmiât pâ dêi drêng pá puât nah, Giàng A Chinh tối ăm ‘nâi: a rơnó tá hâi troh báu tum, rơpo\ng ngoh kơklêa 2 troh 3 khế. Ki xiâm kối cho túa pêi cheăng kâ tá hâi tơniăn, ôh tá ai liăn vâ mơ’no pêi cheăng kâ, tơdroăng rêh ối rêm hâi kơnôm to loăng plâi a chêk deăng, pêt a tơnêi ki rơnâk, kơnôm to tôu tro mêi ’ló, pêi lo ôh tá châ hên tâng pơchông [a\ ivá mơ’no pêi cheăng: A ai mâ [a\ xông kân tung môi rơpo\ng kơtiê, kơdrâm nho\ng o. A cho kuăn hdrui tung rơpo\ng. Xua hlo mâu ngoh nâ [a\ nôu pâ hdrối nah pá puât, xua mê a hiăng mơ-eăm pêi cheăng vâ kơdroh tah kơklêa kơtiê.

            Sơn Tra cho hdrê loăng plâi kơdroh tah kơklêa xăm kơtiê a kơpong kong ngo Bắc Yên. A pơlê Nậm Lộng ai vâ chê 200 ha, rêm rơnó pêi lo dâng 350 troh 400 ta#n plâi kâ. Xua pơlê kơtăn hơngế Tíu xiâm tơring châ chât km, mê tơdroăng pơto, tê plâi Sơn Tra a rơnó khía rơxa\m trâm hên pá puât.

            Klêi kơ’nâi tơpui tơno [a\ on kơdrâi kuăn, hơnăm 2010, Giàng A Chinh pơkâ kơd^ng kơxo# liăn tê plâi Sơn Tra, rế roê plâi Sơn Tra dêi kuăn pơlê tung pơlê vâ pơto tê a tơring. A hơnăm ki mê, rơpo\ng roê, pơto tê lối 15 ta#n plâi Sơn Tra. Hiăng hmâ [a\ túa kố, kơxo# plâi Sơn Tra rơpo\ng roê, pơto rế hía rế hên, troh hơnăm nah hiăng châ lối 50 ta#n, tê châ liăn laih lối 200 rơtuh liăn. Hơnăm 2013, klêi kơ’nâi veăng hriâm mâu lâm kih thua#t pêt kong, mê ngoh khên tơno mơ’no liăn mơdâ hdrê loăng Sơn Tra. Troh nôkố kơxo# hdrê loăng plâi Sơn Tra ki rơpo\ng mơdâ pêt tung kilía châ 30 ha, tu\m hdrê pêt ăm rơpo\ng, mê ngoh ối tê ăm hên rơpo\ng tung pơlê, tung cheăm. Ngoh Giàng A Chinh tối ăm ‘nâi:Tung la ngiâ ah pơkâ cheăng dêi rơpo\ng cho pơtối pêt [a\ gâk ngăn kong ki tơdah xo rak ngăn, tơdrêng amê pơtối pêt plâi tăo Sơn Tra [a\ hriăn ple#ng, pêt tơ’nôm plâi vâ pêi lo liăn ăm rơpo\ng. Tơdroăng ki kal má môi cho mơhnhôk kuăn pơlê pêi, ki ahdrối pin thế djâ troăng ahdrối, pêi mơnúa ahdrối. Châ tơ-[rê mê mơhnhôk kuăn pơlê tơ’lêi, kuăn pơlê loi tơngah pin, klêi mê kuăn pơlê kô pêi tiu [ối.

            Ôh tá pro kro mơdro\ng ăm to rơpo\ng, [a\ hnoăng cheăng cho kăn pơkuâ hnê ngăn Chi [o# pơlê, Giàng A Chinh ối kơhnâ mơhnhôk rơpo\ng [a\ kuăn pơlê tung pơlê, tung cheăm pêi tơtro troăng rơhlâ dêi Đảng, luât dêi tơnêi têa. Tơdrêng amê kơhnâ hnê mơhno kum kuăn pơlê túa pêi cheăng kâ. Hên ngế sap ho\ng pơlê ki ê, cheăm ki ê tâng tối ngoh rơkê mê tăng troh a ngoh vâ hriâm [ối. Poâ Sùng A Mang, ối a pơlê Cáo A, cheăm Làng Chếu kơnôm Giàng A Chinh hnê mơhno túa pêi cheăng kâ, troh nôkố xuân hiăng ai to lâi ha loăng plâi Sơn Tra, rêm hơnăm pêi lo lie#n châ chât rơtuh, kơnôm mê hiăng hlu\n ho\ng kơtiê [a\ tơdroăng rêh ối rế hía rế xông tơtêk. Poâ Sùng A Mang tối: A hlo ngoh Giàng A Chinh a pơlê Nậm Lộng, cheăm Hang Chú cho ngế ki hâk git [a\ loăng plâi Sơn Tra. Ngoh Chinh xuân hiăng troh a cheăm Làng Chếu ngin kum kuăn pơlê vâ rơtế dêi pó mơnhông mơdêk, kro mơdro\ng. A hlo Giàng A Chinh cho ngế ki [e#n re#ng, hâk git tung tơdroăng kum kuăn pơlê.

            Nếo 30 hơnăm, laga Giàng A Chinh hiăng chiâng ngế đảng viên ki rơkê tung hnoăng cheăng dêi đảng viên mơnhông mơdêk cheăng kâ, kơdroh tah kơklêa xăm kơtiê a pơlê [a\ cho ngế ki djâ troăng ahdrối ăm kuăn pơlê tung pơlê hriâm tâp [a\ pêi tiu [ối./.

A Sa Ly tơplôu