VOV4.Sêdang - Grup pơkuâ têa châu têa kơxăng Việt Nam (Petrolimex) ăm ‘nâi, sap ing hâi lơ 14/8 troh 18/8 Petrolimex hiăng kum lối 3,5 rơtal liăn, roê kế tơmeăm xúa tung khăm pơlât ƀă 125 tâ̆n phái ăm hngêi pơkeăng ƀă mâu rơpŏng kuăn pơlê ki dế trâm pá a mâu kong pơlê peăng Hdroh.

Ki nhên gá, kum 2 rơtal liăn krâ ‘măn tíu ki mơ’no hyôh oxy ƀă kum hyôh ăm Hngêi pơkeăng Nhiệt đới Pơlê kong kân Hồ Chí Minh, Hngêi pơkeăng Hồi sức COVID-19 Pơlê kong kân Hồ Chí Minh ƀă 50 tâ̆n phái, Kum kong pơlê Đồng Nai 1 rơtal liăn hbrâ mơdât pơreăng ƀă 25 tâ̆n phái. Tơdrêng amê hnối, veăng kum tơlo ăm Khu râng liăn hbrâ mơdât pơreăng COVID-19 dêi kong pơlê Đồng Tháp 250 rơtuh ƀă kong pơlê Thừa Thiên Huế 300 rơtuh liăn.

Hdrối mê, Khu ngăn têa châu têa kơxăng Peăng hdroh Petrolimex hiăng veăng kum 250 rơtal liăn a Khu râng liăn roê vaccine hbrâ mơdât pơreăng.

Katarina Nga tơplôu ƀă tơbleăng