VOV4.Sêdang - Hâi kố, lơ 21 khế 1, a Hà Nội, pơxiâm po hneăng hôp kân khu râ kăn tung lâp tơnêi têa roh má 12 dêi Đảng. Hrối mê, hâi lơ 20 khế 1, klêi mot a hngêi ‘măn poăng Pôa Hồ Chí Minh, kăn xiâm hnê ngăn tơnêi têa ki apoăng, mâu kăn veăng hôp má 12 dêi Đảng hiăng hôp hbrâ hdrối. Apoăng hneăng hôp hbrâ kố, pôa Lê Hồng Anh, kăn xiâm cheăng ‘na tơdroăng kal kí, Kăn hnê ngăn Đảng krếo pôa Trương Tấn Sang, Kăn cheăng tung tơdroăng kal kí, Kăn xiâm hnê ngăn tơnêi têa pơkuâ hneăng hôp. Pơtối mê, pôa Trương Tấn Sang êng mơnhên hneăng hôp tơbleăng tơdroăng kal xiâm dêi rôh hôp hbrâ, tơbleăng luât pơkâ cheăng dêi hneăng hôp. Xuân tung kơxo hnah, Hneăng hôp hiăng pê klêi hnoăng cheăng ki kal, mê cho: Rah xo khu kăn hnê ngăn, Khu kăn chêh tôm xo rơkong, khu kăn séa ngăn cho mâu kăn, tối tơbleăng tơdroăng pêi cheăng dêi hneăng hôp, tơbleăng luât pơkâ tâ ph^u rah xo dêi hneăng hôp [ă ing tơdroăng tối tơbleăng séa ngăn cho ki xiâm. Kơxêi hnah, mâu kăn tí tăng ‘nâi ple\ng ‘na hlá mơ-éa ki chêh tối tiô dêi a khu. 

Gương tơplôu [ă tơbleăng