VOV4.Sêdang - Pơtối rôh hôp má môi, Kuô̆k hô̆i hneăng 15, apoăng chôu kơxo kố, pôa Vương Đình Huệ, Kăn xiâm hnê ngăn Kuô̆k hô̆i ai ƀai pơchuât a ngiâ Kuô̆k hô̆i drêng troh Hâi Mô đô̆i rong râ - Hlâ hía lơ 27/7.  Tung koxo kố, Kuô̆k hô̆i  tơpui tơno a hngêi hôp kân ‘na troăng rơlâ ‘no liăn cheăng mâu Tơdroăng pơkâ dêi tơnêi têa pơla hơnăm 2021-2025. Ki tơxâng tơmâng, tơdroăng kơxê kố, mâu kăn Kuô̆k hô̆i tơpui tơno a hngêi hôp kân ‘na pơkâ ‘na liăn ngân; pơkâ mung, tơvêh liăn chĕn hnoăng ƀă pơkâ ‘no liăn mơjiâng tơmeăm khoăng tơnêi têa ton hơnăm pơla hơnăm 2021-2025.

Xuân ing 16h kơxê kố, Kuô̆k hô̆i hôp chôu ki ê, têk kŏng tơbleăng tơdroăng Pơkâ ‘na mơnhông cheăng kâ - rêh ối  5 hơnăm 2021-2025. Têk kŏng môi tuăn ƀă tơdroăng tơbleăng Pơkâ ‘na Tơdroăng mơjiâng luât, luât pơkâ hơnăm 2022, ‘mâi hơ’lêh Tơdroăng mơjiâng luât, luât hơnăm 2021 ƀă Tơbleăng ing mâu pơkâ ‘na mơjiâng Khu séa ngăn tơdroăng pơkâ dêi Kuô̆k hô̆i  hơnăm 2022.

Gương tơplôu ƀă tơbleăng