VOV4.Xơ Đăng - Hneăng hôp ôh tá tối hdrối rôh má môi, Kuô̆k hô̆i hneăng má 15 kô pơxiâm po a Hngêi hôp Kuô̆k hô̆i, Pơlê kong xiâm Hà Nội a hâi lơ 04/01/2022 ƀă mơgêi a hâi lơ 11/01/2022. Xua pơreăng COVID-19 tâ tú ôh tá tơniăn, Kuô̆k hô̆i hôp ‘no tơdrêng ki troăng hyôh Internet tá hneăng hôp ing ƀâng um tơvi sap ing Hngêi Kuô̆k hô̆i troh 63 to kong pơlê, pơlê kong kân ối tung Tơnêi têa. Kố cho tơdroăng ki châ mơ’no tối a rôh hôp tơbleăng ‘na tiô tối hdrối dêi hneăng hôp ôh tá tối hdrối rôh má môi, Kuô̆k hô̆i hneăng má 15.

A hneăng hôp ki ôh tá tối hdrối kố, Kuô̆k hô̆i tơpui ‘na mâu tơdroăng ki tiô tối hdrối kô tơbleăng Luât ki ‘mâi rơnêu, ‘mot tơ’nôm dêi 8 to luât. Tơdroăng pơkâ pro mâu troăng hơlâ xiâm ‘na mơnhông pơlê kong kân Cần Thơ; Tơdroăng pơkâ ‘na troăng hơlâ liăn ngân, liăn ki tŏng kum tơbleăng tơdroăng ‘mâi mơnhông ƀă mơdêk cheăng kâ rêh ối pơlê pơla; Tơdroăng pơkâ ‘na Troăng hơlâ ‘no liăn tung tơdroăng tơkêa mơjiâng pro troăng prôk sap ing Kơnhŏng troh peăng Hdroh peăng mâ hâi lo hneăng hơnăm 2021 – 2025.

Katarina Nga tơplôu ƀă tơbleăng