VOV4.Sêdang - Kơxo lơ 5 khế 9, rơtế [a\ lâp tơnêi têa, tâi tâng mâu hngêi trung a kơpong Tây Nguyên pơrá rơtế pơxiâm mot hơnăm hriâm nếo.

            Hơnăm hriâm 2016 – 2017, lâp kong pơlê Gialai ai vâ chê 380 rơpâu ngế hok tro, tâk dâng 5 rơpâu ngế hok tro tâng pơchông [a\ hơnăm hriâm hdrối. Tung mê, râ má môi ai kơxo# mơngế hriâm kơdrâm má môi, ai dâng 164 rơpâu ngế. Vâ hbrâ tơnáu ăm hơnăm hriâm nếo, tơtro tiô pơkâ, kong pơlê Gialai hiăng ’no liăn mơjiâng pro tơ’nôm 5 toăng hngêi trung tung hơnăm hriâm nếo.

          Mâu hngêi trung a kong pơlê Kontum pơrá hiăng po leh pơxiâm mot hơnăm hriâm nếo 2016-2017. Laga, tơdroăng ki kong mêi hiăng pro roh leh pơxiâm mot hơnăm nếo ôh tá hơniâp ro môi tiah mâu tơdroăng ki tơmiât hdrối. Hơnăm hriâm nếo, kong pơlê Kontum ai 413 to hngêi trung, hên hluâ 8 to hngêi trung tâng vâ pơchông [ă hơnăm nah, mâu hok tro rêm râ lối 148 rơpâu ngế hok tro, tâk lối 5 rơpâu ngế tâng vâ pơchông [ă hơnăm hriâm hdrối. ‘Na mâu kơ-[ăng tăng ‘nân, lâp kong pơlê hiăng ‘no vâ chê 140 rơtal liăn rôe, mơjiâng pro [ă xing xoăng ăm a 216 to lâm [ă kơbong ki ê, pro tiô tơdroăng ki pói vâ tung hnê [ă hriâm.

Hâi lơ 5 khế 9 Gia Lai hok tro hdroâng kuăn ngo sôk ro hâi pơxiâm mot hơnăm hriâm nếo

          Hơnăm hriâm kố, lâp kong pơlê Daklak ai lối 1 rơpâu to hngêi trung sap ing râ mâm non troh râ má pái phôh thong, tâi tâng ai 433.549 ngế hok tro, hên hluâ tâ ai 11 hngêi trung [a\ 1.275 ngế hok tro tâng pơchông [a\ hơnăm hriâm hdrối. Vâ tơniăn tu\m kế tơmeăm khoăng kum tung hnê [a\ hriâm, kơvâ hnê hriâm kong pơlê Daklak hiăng mơhnhôk mâu khu râ veăng tơlo châ 112 rơtal liăn vâ ‘mâu rơnêu [a\ mơjiâng pro nếo kơbong hriâm, kơbong cheăng, kế tơmeăm khoăng, hngêi chôu ‘măn hlá mơ-éa [a\ mâu kơbong cheăng. Pák^ng mê, mâu hngêi trung ối mơ’no vâ chê 26 rơtal 500 rơtuh liăn roê tơmeăm khoăng, kế tơmeăm xah hêi râ mâm non ăm vâi hdrêng 5 hơnăm; kơmăi kơmok hnê hriâm nâl kong têa ê, hnê pơtâp ivá, hnê cheăng lêng vâ ‘mot tung hơnăm hriâm nếo.

          Lối 160  rơpâu 600 ngế hok tro rêm râ tung lâp kong pơlê Daknông xuân hiăng sôk ro troh a hngêi trung, pơxiâm mot honăm hriâm nếo 2016-2017. Hơnăm hriâm kố, Daknông hiăng ‘no lối 144 rơtal liă vâ mơjiâng pro hngêi trung rôe kơ-[ăng tăng hơ‘nân, tơmeăm xúa tung mơhriâm, tung mê, mơjiâng pro nếo 165 to lâm hriâm le\m kơnâ lối 74 rơtal liăn, pro kơxo# lâm hriâm tung lâp kong pơlê tâk troh 2 rơpâu 677 to lâm.

Hok tro hngêi trung râ má môi, râ má péa, râ má pái phôh thông Hoàng Việt, Dak Lak veăng leh pơxiâm mot hơnăm hriâm nếo

          A Lâm Đồng, lối 300 rơpâu ngế hok tro xuân sôk ro mot hơnăm hriâm nếo 2016-2017. Hơnăm hriâm kố, lâp tung kong pơlê ai 714 to hngêi trung hriâm. Pơchông [ă hơnăm nah, tâk tơ’nôm 2 to hngêi trung. Xuân drêng kố, Hngêi rak liăn Sacombank Lâm Đồng hiăng diâp 80 hnoăng liăn ăm mâu hok kơtiê xơpá tung kong pơlê Lâm Đồng. Rêm hnoăng liăn kơnâ 1 rơtuh, kum mâu vâi o hok tro tơkâ hluâ xơpá la kơdôu mơ-eăm hriâm rơkê a pơlê kong kơdrâm Đà Lạt [ă mâu tơring Lạc Dương, Đức Trọng,  Di Linh [ă Lâm Hà.

Diâp hnoăng liăn hriâm rơkê a hngêi trung râ má pái Bùi Thị Xuân – Đà Lạt – Lâm Đồng

A Sa Ly prế Katarina Nga tơplôu [ă tơbleăng.