VOV4.Sêdang - Rơnó kố a Tây Nguyên dế ối tôu ó khât, rơchoâ, long têa têa kroăng, têa krông hiăng siâ tâi, kơdró têa mo\ng xun siâ, ôh ti xê pro ăm lối chât rơpâu ha hdrê loăng pêt tro khăng hlâ mê ối pro ăm tơdroăng ki ôh tá têa ôu kâ hum rôh jíu [ă lối hri^ng rơpâu rơpo\ng kuăn pơlê sap ing pơlê kong kơdrâm troh thôn pơlê. A hên troăng kơpho# tung pơlê kong kơdrâm {uôn Ma Thuột, kuăn pơlê dế athế trâm [ă tơdroăng ki ôh tá tê tung hên chơ. Tiu tối tơbleăng dêi khu pơtâng tối ‘na hyôh kong prâi Tây Nguyên, mâu hâi la ngiâ ah, tơdroăng ki tô peăng mâ hâi lu mơni kô ối hên, hnối po rơdâ, mơhé ai mêi iâ a mâu tíu, la ki tôu xuân ối a kơlo ki tô ó. Tiah mê, tơdroăng ki kong tô mơdrăng rế hía rế ó, tơdroăng ki ôh tá ai têa ôu kâ hum roh jíu kô pơtối u ối, xua mê, kuăn pơlê athế ‘nâi xúa têa tơtro, kơd^ng vâ ví tơdroăng ki ôh tá bê têa. Ki kal tâ cho ai troăng rơhlâ, rak ngăn tơniăn mâu ngế krê, tíu cheăng ki chiâ tăng têa mo\ng tiu túa ki tro ‘ló rơtế [ă tơdroăng ki mơdêk tối tơbleăng tơdroăng ki rơkê ple#ng dêi kuăn pơlê tung tơdroăng ki răk ngăn ‘na têa.

Katarina Nga