VOV4.Sêdang - A kong pơlê Hà Giang, kong mêi príu a 3 chôu kơxo má vâ chê tâi tơring Quản Bạ hiăng tro tơ’nhiê lối 1 rơpâu 300 hectar alâi, kơchâi drêh [a\ nhâ pơkeăng, vâ chê 800 toăng hngêi tơtêa kuâ tơ’nhê ó, tiô xêo tro lu\p dâng 10 rơtal liăn. Akố, troh 11 chôu kơhâi dế hnah, mêi príu hiăng krêa dêi pó chiâng príu kân [a\ tá hâi hê, ối krêa a kuâ hngêi [a\ drô klâng dêi kuăn pơlê. Mơhúa ôh tá ai hlâ mơngế, laga hên kế tơmeăm khoăng dêi kuăn pơlê tro lu\p ó. Vâ teăm rơnêu kế tơmeăm khoăng klêi kơ’nâi kong mêi príu, pôa Nguyễn Văn Sơn, Kăn xiâm hnê ngăn kong pơlê Hà Giang hiăng lăm séa ngăn mâu tíu ki tơ’nhê kế tơmeăm, tối kế tơmeăm khoăng ki tro tơ’nhiê xua kong mêi príu, pơkâ thế tơring Quản Bạ re\ng séa ngăn, xêo kế tơmeăm khoăng, tơbleăng a Vi[an kong pơlê vâ ai túa to\ng kum kuăn pơlê. Tơdrêng amê, mơhnhôk mâu kơvâ, khu cheăng troh veăng kum kuăn pơlê re\ng rơnêu kế tơmeăm khoăng, tơniăn tung pêi chiâk deăng.

A kong pơlê Yên Bái, kong mêi kân hnối ai yâ kơdo pơ’lăng a 5 chô 30 hâi lơ 3 khế 4 hiăng pro tơhnâp 13 toăng hngêi kuăn pơlê a mâu cheăm Mường Lai, Minh Xuân, Mai Sơn dêi tơring Lục Yên, kong pơlê Yên Bái. Pak^ng mê, ối ai 63 toăng hngêi ki ê tro tơtêa tôl, 5 toăng hngêi pế pơchên kế kâ tro tơhnâp [ă mâu tơmeăm khoăng ki ê tơdjâk troh.  Drêng tâng tối tơbleăng, Kăn hnê ngăn tơring Lục Yên [ă khu râ kăn mâu cheăm hiăng troh hơlêm, mơhnhôk kum kuăn pơlê mơ-eăm tơkâ hluâ xơpá xua kong prâi pro ôh tá tơniăn, vâ kuăn pơlê re#ng tơniăn tung rêh ối. Troh nôkố, mâu rơpo\ng ki trâm xía vâ hiăng ai tíu ối tơniăn.

A Sa Ly tơplôu [ă tơbleăng