VOV4.Sêdang - Ối pá 18 hâi ‘nôi kô troh a hâi Têt tiô khôi hmâ dêi hdroâng mơngế, la hên rơpo\ng kơtiê a kong pơlê Kon Tum hiăng châ xo tơmeăm khoăng Têt dêi mâu khu pơkuâ cheăng, mâu ngế ki rêh ối tung lâp tơnêi têa hiăng diâp ăm.

Tiah mê, mâu rơpo\ng kơtiê a cheăm Đak Kôi, tơring Kon Braih, kong pơlê Kon Tum hiăng châ hbruô 180 kơxuô tơmeăm Têt, rêm kơxuô mê kơnâ 500 rơpâu liăn, châ mơ’no ing kơxo# liăn Kum mơngế Kơtiê dêi Tíu xiâm Măt tra#n tơnêi têa Việt Nam.

650 hnoăng tơmeăm (ai 350 rơpâu liăn 1 hnoăng), tung mê ai: Hmân ếo nếo, xup kơxo\ng khăng, phái, xi yâu, xik, [ôt ngot, ká khăng [ă hên h^n tơmeăm ki ê…hiăng hbruô ăm vâi krâ-nho\ng o kơtiê a tơring Kon Braih [ă Tu Mrong, cho xua tơmeăm dêi Khu lo to\ng veăng kong pơlê Kon Tum tơru\m [ă Khu ai hiâm mơno hơ-ui kơjo dêi kong pơlê Đồng Nai [ă khu ai hiâm mơno hơ-ui kơjo Khai Tâm (pơlê kong kân Hồ Chí Minh) diâp ăm.

Drêng kố, Khu pơkuâ ngăn Đoân droh rơtăm pơlê kong kân Hồ Chí Minh xuân hiăng tơru\m [ă Khu pơkuâ ngăn Đoân droh rơtăm ki cheăng tung khâu tơ-[ai Jetstar Pacific Airlines lăm hbruô tơmeăm Têt ăm 4 rơpo\ng ki ai hnoăng tơnêi têa, 125 rơpo\ng kơtiê, hbruô 83 hnoăng liăn ăm hok tro kơtiê ki mơ-eăm tơkâ luâ xơpá hriâm rơkê, veăng kum mơjiâng pro tơmeăm ki vâ xúa ăm kuăn pơlê kơnâ ai 42 rơtuh liăn, lăm khăm pơlât, xing xoăng pơkeăng pâk, pơkeăng ôu ăm 100 ngế kuăn pơlê chhâi tamo, tâi tâng hnoăng cheăng khăm pơlât [ă pơkeăng hiăng to\ng kum mê kơnâ châ 400 rơtuh liăn.

Nhat Lisa tơplôu [a\ tơbleăng