VOV4.Sêdang - Túa ki tê mơdró hên kế tơmeăm dế pro ôh tá tơniăn tung pơlê pơla. Ôh ti xê pro to a mâu tíu ki tê mơdró a kơpho# kro mơdro\ng [ă rơxông ngế ki rơkê ple\ng, nôkố túa ki tê mơdró hên kế tơmeăm [ă hên túa ki tê tơ-ê dêi rơpó hiăng hlo a mâu kuăn pơlê hdroâng kuăn ngo Rơđế a Dak Lak. Túa ki tê mơdró hên kế tơmeăm kố hiăng pro ăm hên mơngế Rơđế a mâu pơlê, cheăm a Dak Lak ‘’liăn hía la chiâng ai xôi’’. Khu chêh hlá tơbeăng cheăng tung Rơ’jiu Việt Nam a kơpong Tây Nguyên ai [ai chêh ‘na tơdroăng kố a cheăm Ea Tul, tơring }ư\ Mgar, kong pơlê Dak Lak.

          Khế 8 hơnăm 2015, pôa Đung, ối a {uôn Sah, cheăm Ea Tul tro môi ngế a cheăm Ea Kao, pơlê kong kơdrâm {uôn Ma Thuột pơlông roê pái túa phon rơvât dêi Ko\ng ti tơlo liăn cheăng hlối mơjiâng pro phon [a\ tê mơdró Rồng Vàng Đất Việt DC [a\ tâi tâng kơxo# liăn 18 rơtuh vâ bê phon choi ăm 2 hectar kơphế tung plâ môi rơnó. Ngế pêi cheăng dêi ko\ng ti kố tơbleăng tối: ‘’Kơbố hiăng roê chiâng mơngế dêi ko\ng ti [a\ tâng pơtối mơhnhôk mâu ngế ki ê veăng roê mê kô châ mơhá liăn, [a\ chiâng mơngế ki pêi lo châ rơtuh liăn’’. Ko\ng ti kố tối kô mơhá liăn tiô khế ing theh ATM tâng tê kế tơmeăm khoăng dêi ko\ng ti kố ăm mơngế ki ê. Pôa Đung tối: Ahdrối roê phon rơvât vâi thế nâp kiêm tra vâ pro theh Vietcombank. Tâng hiăng roê tơbleăng ăm mơngế ki ê vâi kô pơtroh kơxo# liăn ăm á rêm khế. Laga a hiăng pro, tá hlo liăn vâi mơhá ăm. Vâi lu lêa á vâ roê, tê kế tơmeăm khoăng ăm vâi tê.

            Pôa Đung hiăng tơbleăng tối ăm Pâ Hani xuân cho mơngế kuăn pơlê a cheăm Ea Tul roê phon rơvât [a\ kơxo# liăn 17 rơtuh liăn rơvât 1 hectar kơphế. Xuân môi tiah rơkong tơkêa [a\ pôa Đung, tâng pâ Hani roê phon rơvât, tơbleăng tối ăm mơngế ki ê roê, mê kô châ mơhá liăn 400 rơpâu liăn môi khế. Ki nhên ga, troh nôkố, pôa Đung tá hâi châ vâi mơhá liăn híu iâ. Kơxo# phon ki pôa roê, ôh tá dâi le\m, xua mê ôh tá khên vâ xúa. Drêng tăng troh a ko\ng ti vâ pâ dêi liăn, mê ko\ng ti ôh tá ai amê xếo. Pâ Hani tối ăm ‘nâi: Phon rơvât dêi ko\ng ti kố kơnâ tâ kơchơ tê mơdró. Á tro vâi lu lêa, xua hiăng loi ko\ng ti kố tơbleăng mơ-éa dêi vâi tối xua Kăn xiâm hnê ngăn tơnêi têa [a\ Khu xiâm pơkuâ kơmăi kơmok [a\ tê mơdró, Khu xiâm pơkuâ ‘na pêi chiâk deăng k^ mơnhên phon rơvât dêi vâi cho le\m khât, diâp mơ-éa khe\n kơdeăn ăm phêp tê phon. Má péa nếo, ko\ng ti tơku\m po hôp tơpui tơno a cheăm Hoà Thắng, pơlê kong kơdrâm {uôn Ma Thuột, veăng amê ai kơdrâm kuăn pơlê tung cheăm, xua mê á hiăng loi tơngah khât.

            Xua loi rơkong vâi pơlông, kô ai liăn laih, ai liăn mơhá ăm drêng tơbleăng ăm mâu ngế ki ê roê, xua mê lối chât rơpo\ng a cheăm Ea Tul, tơring }ư Mgar, kong pơlê Dak Lak hiăng roê phon rơvât dêi Ko\ng ti tơlo liăn cheăng hlối mơjiâng pro phon [a\ tê mơdró Rồng Vàng Đất Việt DC [a\ yă kơnâ tâ kơchơ. Troh nôkố, kơxo# liăn roê phon hiăng tâk troh hr^ng rơtuh liăn, laga phon rơvât ôh tá chiâng vâ xúa, liăn mơhá xuân ôh tá hlo ai.

            Pâ Phen, Kăn pho\ hnê ngăn Vi [an cheăm Ea Tul xuân tối ăm ‘nâi: kơtăn kố to lâi khế, kuăn pơlê tung cheăm xuân veăng tơlo liăn a khu tơru\m pêi kơphế, kơxêt pâng ling khêi, veăng tơlo liăn roê môi kế tơmeăm cho 36 rơtuh liăn. Ko\ng ti kố tơkêa, tâng veăng djâ hên ngế tơlo liăn mê ai liăn laih plâi khế apoăng cho 12 rơtuh, khế má péa cho 9 rơtuh liăn, klêi kơ’nâi 6 khế kô châ tơdah xo 120 rơtuh liăn [a\ châ mơhá ăm liăn lăm ôm hyô, thăm nếo kô châ ăm môi toăng rơxế ôtô. Laga, Ko\ng ti kố ôh tá pêi cheăng [a\ khu kăn pơkuâ cheăm, mê pêi cheăng xêh [a\ rơpo\ng kuăn pơlê. Troh nôkố, tiô xêo ngăn dêi cheăm, ai 4 rơpo\ng veăng roê kế tơmeăm dêi ko\ng ti kố, laga khu kăn pơkuâ cheăm ôh tá ‘nâi ko\ng ti kố pêi cheăng môi tiah lâi, túa pêi cheăng tê mơdró [a\ mơjiâng pro kế tơmeăm khoăng môi tiah lâi, vâ ai ivá mơhá liăn môi tiah mê?

            Pơlông kuăn pơlê, hlo kuăn pơlê ôh tá hlê ple\ng, tung pơla kố nah, a mâu pơlê Rơđế, hlo ai ngế pơlông djâ kuăn pơlê veăng tơlo liăn tê mơdró, xo liăn laih hên. Mâu rơpo\ng klêi kơ’nâi veăng pro, vâi tro lu\p liăn ôh tá châ ki klâi xua tro mâu ngế ki ê lu lêa [a\ hía hé. Pôa Uyn, krâ pơlê, ối a [uôn Tu, cheăm Ea Tul, tơring }ư Mgar tối: Á hiăng ‘nâi vâi ki mê lăm lu lêa, phon rơvât ôh tá dâi le\m, xua mê a pơchân kuăn pơlê pôi tá roê mâu phon ki mê, pôi tá veăng [a\ vâi, á tơbleăng tối ăm kuăn pơlê kal kơchăng tâ [a\ tơdroăng ki le\m lơ ‘mêi, hôm ai pơxúa lơ ôh.

            Pâ Phen, kăn pho\ hnê ngăn Vi [an cheăm Ea Tul, tơring }ư Mgar, kong pơlê Dak Lak pơkâ thế kuăn pơlê kal kơchăng [a\ tơdroăng tê mơdró kố: Drêng roê mâu phon, pin thế ngăn tíu ki mê a lâi, khu tê mơdró tơnêi têa kô tơtro tâ, tơdroăng mơhnhôk hên kuăn pơlê veăng cho ôh tá tơniăn, tro vâi lu lêa. Ai mâu rơpo\ng hiăng veăng, ti tăng troăng vâ tơvêh dêi kơxo# liăn tơná hiăng nâp, la ôh tá châ. Á hiăng pơchân kuăn pơlê ahdrối vâ roê tơmeăm khoăng ki lâi, kuăn pơlê kal tăng roê tíu ki lâi tơná loi tơngah, hmâ má môi, pin hmâ roê hên má môi.

            Kuăn pơlê kal hbrâ kơchăng, ti tăng ple\ng ahdrối vâ roê, tê mâu kế tơmeăm khoăng, ví lơ tro vâi pơlông djâ, liăn laih kơnâ, klê mê nếo ‘’liăn hía laga ối tro xôi’’. Khu kăn pơkuâ [a\ kơ koan kal re\ng tơleăng vâ mơdât tơdroăng ki ôh tá tro luât troh a kơpong ki pá puât, kơpong hdroâng kuăn ngo, mơdât tơdroăng lu lêa troh a kuăn pơlê.

A Sa Ly tơplôu [a\ tơbleăng