Hngêi trung phôh thong hdroâng kuăn ngo ai tíu kâ ối pơtê kong hâi râ má péa pơlê kân Măng Deang, tơring Kon Plong, kong Kon Tum ai 136 ngế hok tro, tung mê, ai 115 ngế hok tro ối pơtê kâ tung hngêi trung. Tối cho ai tíu kâ ối pơtê laga xua hngêi hơngế ‘nâng, tâi tâng mâu vâi o hok tro ối pơtê kâ koi tung hngêi trung tâi tâng sap ing apoăng măng t^ng troh mơ’nui măng t^ng môi tiah hok tro kâ koi ối pơtê tung hngêi trung.

Xua mê, mâu thái cô dêi hngêi trung [a\ tơdroăng hnê ăm hok tro ối cho mơngế pâ, mơngế nôu rak ngăn ăm mâu vâi o rêm roh kâ hmê, pơtê koi. Cô Bùi Thị Như Thảo, Ngế pơkuâ hngêi trung phôh thong hdroâng kuăn ngo ai tíu kâ koi ối pơtê râ má péa pơlê kân Măng Deang tối ăm ‘nâi, ối tâng hnê cho hnoăng dêi tơdroăng hnê hriâm akố:

‘’Kố cho hngêi trung ai tíu kâ ối pơtê laga tâi tâng mâu vâi o ối pơtê tung hngêi trung. Mâu vâi o kâ, ối akố troh mơ’nui măng t^ng mê mâu vâi o nếo vêh a hngêi. Kâ mê môi hâi pái roh kơxo, kơhâi, kơxê. Hngêi trung xuân tơniăn tơdroăng kâ, tíu ối ăm mâu vâi o drêng mâu vâi o ối a pơlê hơngế a hngêi trung.

Hngêi trung xing xoăng ăm mâu thái cô ai mâ đi đo rêm hâi. Môi hâi péa ngế thái cô ai mâ plâ hâi vâ hnê mơhno ăm mâu vâi o mơgrúa châ chăn, kâ koi. {a\ a kơmăng ai mâu thái cô ối a hngêi khu pú hên, hnê mơhno ăm mâu vâi o hriâm a kơmăng [a\ hriâm chô pakong a kơmăng’’.

A hngêi trung phôh thong hdroâng kuăn ngo ai tíu kâ ối pơtê râ má péa pơlê kân Măng Deang, tơring Kon Plong, rơtế [a\ tơdroăng hnê hriâm a lâm, mâu thái cô drêng toh chôu pêt kơchâi drêh, păn mơnăn, ti tăng tíu tê tơmeăm vâ tơniăn tơmeăm kâ dêi mâu vâi o. Pro mơhá, xuân cho tơdroăng sôk ro dêi mơngế thái, ngế cô akố cho rêm hâi châ hlo mâu vâi o hok tro kơhnâ hriâm [ai [a\ sôk ro [a\ mâu roh kâ hmê châ thái cô hbrâ tơnáu [a\ tơdroăng pâ nhuo#m.

O La Thanh Tú, hok tro lâm 9A rơrêk drêng tối ‘na tơdroăng tơmâng, to\ng kum dêi mâu thái cô:

‘’Mâu cô, klêi mê mâu thái tơmâng hên troh mâu ngin muăn. Mâu cô, mâu thái tơmâng troh ngin muăn môi tiah kuăn dêi tơná. Rêm hâi rêm kơxo má ai cô pế hmê ăm kâ. Kơhâi dế, peăng kơxê xuân pế. Tơmeăm kâ mê á muăn tâ môi tuăn xua rêm roh kâ hmê pơrá hơ’leh kơchâi kâ. Cô Nhài pế hmê kơhiâm ‘nâng. Klêi mê, a kơmăng ai mâu cô to pơchân tối hriâm [ai. Klêi mê pơchân tơdroăng mơgrúa tíu kâ ối pơtê klêi mê mơgrúa dêi châ. Mâu cô tơmâng tu\m tơdroăng’’.

Hơnăm hriâm kố tơring Kon Plông, kong pơlê Kon Tum ai 18 hngêi trung phôh thông hdroâng kuăn ngo ai tíu kâ ối pơtê [a\ lối 2.000 ngế hok tro châ to\ng kum tiô pơkâ 116, hâi lơ 18/7/2016 dêi Chin phuh, Pơkâ troăng hơlâ to\ng kum hok tro [a\ hngêi trung phôh thong a cheăm, thôn ki pá puât.

Tơdroăng thái cô a mâu hngêi trung kơhnâ veăng tơku\m po tơdroăng kâ ối pơtê kum mâu vâi o hok tro hdroâng kuăn ngo tung tơring hmiân tuăn hriâm tâp. Tơdroăng pâ nhuo#m, pôu râng hnoăng cheăng rơtế pleăng dêi hnoăng cheăng ôh tá pơ’lok dêi mâu thái cô hiăng mơhnhôk tung hriâm tâp [a\ rơtế pêi pro tiô tơdroăng pói vâ ăm mâu vâi o hok tro kơpong pá puât Kon Plong dêi kong pơlê Kon Tum.

Khoa Điềm chêh

A Sa Ly tơplôu [a\ tơbleăng