VOV4.Sêdang - Ngế pro xiâm hnê ngăn Chin phuh pơtối ai hlá mơ-éa pơkâ Kơxô̆: 1102 pơtroh ăm mâu kong pơlê, pơlê kong kân ối tung Tơnêi têa, mâu khu xiâm kơvâ cheăng, kơ koan ối tung Chin phuh. Ki xiâm dêi hlá mơ-éa mê pơkâ: Vâ rĕng hbrâ mơdât, séa ngăn pơreăng, rak tơniăn ivá châ chăn dêi kuăn pơlê cho tơdroăng ki xiâm, ki hdrối tâ, mâu kăn pơkuâ Đảng ủy, kăn pơkuâ Đảng pơlê kong kân, Kăn hnê ngăn Vi ƀan kong pơlê, pơlê kong kân ối tung Tơnêi têa, ngế xiâm pơkuâ, Ngế pro xiâm pơkuâ kơ koan tơdâng khu xiâm, kơ koan ối tung Chin phuh, kơ koan ki ai tơdjâk troh pơtối tơkŭm pơkuâ, hnê mơhno ƀă tơkŭm po pêi pro kơhnâ, kơtăng, tơƀrê mâu tơdroăng pơkâ hbrâ mơdât pơreăng COVID-19.

Tung mê, malối pơchân athế tơkŭm pơkuâ, hnê mơhno ƀă mơhnhôk tơdroăng ki veăng dêi kuăn pơlê; Xo cheăm, bêng, pơlê kân. Mâu khu xiâm, kơvâ cheăng, kong pơlê tiô tơdroăng, hnoăng cheăng, hnoăng pơkuâ châ pơcháu rĕng ‘mâi mơnhông mâu tơdroăng ki tá hâi pêi pro klêi, pêi pro ối ‘ro, tơkŭm pêi pro kơhnâ tâ, kơtăng tâ, tơƀrê tâ mâu troăng hơlâ pơkâ.

Katarina Nga tơplôu ƀă tơbleăng