VOV4.Sêdang -Drêng 70 to kong têa [ă mâu tơnêi têa tung lâp plâi tơnêi hiăng châ ‘nâi nhên tơdroăng tâ tú dêi pơreăng Zika, tung mê ai 11 to kong têa ai tơdroăng tâ tú pơreăng ing mơngế kố troh mơngế ki ê, Khu kăn xiâm ngăn ‘na pơkeăng [ă khăm pơlât hiăng ai hlá mơ-éa pơtroh ăm mâu kong pơlê, pơlê kong kân hbrâ tơnáu xêh tơdroăng vâ hbrâ mơdât xua virus Zika [ă pơreăng tơngê lo mơheăm. Khu kăn xiâm pơkuâ ngăn ‘na pơkeăng [ă khăm pơlât hiăng pơkâ thế Kăn hnê ngăn Vi [an mâu kong pơlê, pơlê kong kân kal athế hnê tối i nhên, pêi pro rơdêi tung tí tăng kơdê kiâ ngú nge\ng, tri trôu a mâu pơlê cheăm ki tro tâ pơreăng, lơ tơ’lêi tro tâ pơreăng pơrá athế pêi rak krúa le\m ‘na tơdroăng hleăng tíu dâ têa, ‘măn têa, ai pơkeăng, ai tơmeăm ki vâ pro krúa le\m têa ôu, têa hum, pro mâu todroăng ki tah tri trôu. Mâu khu ngăn ‘na pơkeăng dêi rêm kong pơlê, tơring, cheăm kal athế lăm ngăn, vâ teăm re\ng châ ‘nâi, châ hlo mâu ngế ki tro tâ pơreăng vâ teăm khăm pơlât tơdrêng, xôh pơkeăng kơdê pơreăng a kơpong tâ pơreăng; xo mơheăm ing mâu ngế ki tro nhôm ai tâ virus Zika pơtroh a Tíu xiâm ki séa ngăn, kơdê pơreăng [ă Tíu xiâm Pasteur, malối pơtroh ăm kơpong ki séa ngăn [ă klo\ng hâu, vâ mơnhên tối ki tâ tú dêi virus Zika, ing mê, ai troăng hơlâ ki vâ hbrâ mơdât pơreăng.

Nhat Lisa tơplôu [ă tơbleăng