VOV4.Sêdang - Kơxo lơ 14 khế 4, a Hà Nội, Khu xiâm pơkuâ cheăng pêi – mô đo#i tro rong [a\ rêh ối pơlê pơla tơru\m [a\ Vi[an Tơnêi têa mơnhông tơdroăng ki thăm rơkê dêi vâi kơdrâi Việt Nam tơku\m po hnê tơ’nôm, túa pêi cheăng ăm mâu kăn ki châ rah xo to pro kăn Kuo#k ho#i. Veăng hneăng hriâm ai mâu ngế kơdrâi ki châ rah xo to pro kăn roh apoăng to pro kăn Kuo#k ho#i dêi mâu kong pơlê kơpong tơbăng, peăng kơnho\ng tơnêi têa. A hneăng hnê mơhno, mâu ngế ki to pro kăn Kuo#k ho#i châ hnê mâu túa pêi cheăng ki kal drêng trâm mâ kuăn pơlê; tơbleăng tơdroăng cheăng; pêi cheăng [a\ kơ koan chêh hlá tơbeăng vâ kum mâu ngế kơdrâi ki to pro kăn loi tơngah ivá ki rơkê dêi tơná [a\ châ tơ-[rê tung hnoăng veăng tơbriât to pro kăn a tíu dêi tơná rêh ối, pêi cheăng. Tơdrêng amê, mâu ngế ki hriâm châ hriâm tu\m tơdroăng ‘na Kuo#k ho#i, Luât khu cheăng Kuo#k ho#i, hnoăng cheăng dêi ngế kơdrâi tung tơdroăng cheăng kal kí, tơdroăng tơdâng tơ’mô tung mâu luât dế nôkố. Hngêi trung Ho\k vie#n xuân châ tơbleăng ‘na tơdroăng pêi cheăng, túa mơjiâng tơdroăng pêi cheăng ki rơkê tơtro, túa tơbleăng tơdroăng pêi cheăng rơkê a hneăng hôp trâm mâ kuăn pơlê.

A Sa Ly tơplôu [ă tơbleăng