VOV4.Sêdang - Tiô rơkong krếo thế dêi AIPA, pôa Darussalam Pehin Dato Abdul Rahman Taib, Kăn xiâm hnê ngăn Hô̆i đong mơjiâng luât Brunei, Khu kăn Kuô̆k hô̆i Việt Nam xua pôa Vương Đình Huệ, Kăn xiâm hnê ngăn Kuô̆k hô̆i pro kăn xiâm pơkuâ djâ khu kăn Hô̆i đong Kuô̆k hô̆i dêi mâu kong têa ASEAN rôh má 42 (AIPA - 42) tiô tơdroăng hôp tơdrêng tung um tiô hyôh internet châ tơkŭm po sap hâi lơ 23- 25/8/2021 ƀă pơxá “mơnhông mơdêk tơrŭm  cheăng tung Kuô̆k hô̆i ing tơdroăng ‘na kih thuât kơxô̆ tá mâu tơdroăng vâ pêi dêi Khu ASEAN hơnăm 2025”.

Kố cho tơdroăng ai pơxúa kân khât, cho tơdroăng tơpui kâ hên troăng ki apoăng dêi pôa Vương Đình Huệ ƀă Khu kăn Kuô̆k hô̆i Việt Nam tung hneăng má 15. Pơtối mâu hnoăng mê, a hneăng hôp Hô̆i đong AIPA - 42, pôa Vương Đình Huệ kô pơtrroh ăm vâi pú hmâ ƀă tung kơpong ƀă mâu kong têa tung lâp plâi tơnêi ‘na môi tơnêi têa Việt Nam ôh tá la lâi pơ’lêh nếo; Kuô̆k hô̆i Việt Nam pêi hnoăng cheăng ƀă hbrâ tung tơrŭm cheăng hên troăng tung kơpong, hbrâ rơnáu, rơtế ƀă Chin phuh tung tơdroăng mơnhông mơdêk cheăng kâ rêh ối ƀă hbrâ mơdât COVID-19.

Gương tơplôu ƀă tơbleăng