VOV4.Sêdang -  Kơmăng hâi lơ 1 khế 4, hneăng hôp kân ho#i đông Kuo#k ho#i lâp plâi tơnêi IPU 132 hiăng mơgêi [a\ tơbleăng Hà Nội. Hdrối mê, tung roh hôp mơ’nui, IPU 132 hiăng tơbleăng mâu mơ-éa ki kal. Tung roh hôp má mơ’nui, ho\ng pơkuâ dêi poâ Nguyễn Sinh Hùng, Kăn xiâm hnê ngăn Kuo#k ho#i – Kăn xiâm hnê ngăn hneăng hôp kân Ho#i đông IPU 132, mâu kăn hiăng môi tuăn tơbleăng 4 tơdroăng pơkâ mê cho: Tơdroăng pơkâ ‘na ‘’Tơplâ tung măng internet, cho mơnhâu troh hơniâp le#m [a\ gâk kring lâp plâi tơnêi’’; tơdroăng pơkâ ‘’Tơniăn túa pêi cheăng nếo ‘na pơkuâ têa – thăm pêi cheăng dêi Kuo#k ho#i ‘na têa [a\ mơgrúa’’; tơdroăng pơkâ ‘na luât lâp plâi tơnêi tung tơru\m cheăng [a\ hnoăng pơkuâ tơnêi têa, ôh tá veăng tơdroăng phá xêh dêi pó [a\ hnoăng pơkuâ mơngế; ho\ng tơbleăng dêi Vi[an pơkuâ. Hneăng hôp IPU 132 xuân hiăng tơbleăng tơdroăng tơkêa Hà Nội, tung mê tối nhên: Drêng roh kal kố, pin, mâu ngế kăn Kuo#k ho#i râ má môi lâp plâi tơnêi, mơnhên túa pêi cheăng dêi pin cho mơnhông mơdêk krá tơniăn, xo kuăn pơlê pro tíu xiâm vâ pêi pro tâi tâng mâu hnoăng pơkuâ cheăng dêi kuăn mơngế, vâ kơdroh kơtiê, kơdroh tah tơdroăng ki pơrah [a\ dêi pó, ho\ng mê pơcháu hnoăng pơkuâ ăm rêm ngế, pơtối pêi dêi hnoăng cheăng tơná. Tơdroăng kố pơkâ thế ai hơniâp le#m [a\ gâk kring lâp plâi tơnêi, ho\ng tơdroăng nhuo#m tu\m luât khu lâp kong têa [a\ luât lâp plâi tơnêi. Tơbleăng tơdroăng tơkêa Hà Nội xuân mơ’no pơkâ mâu tơdroăng pơkâ xiâm mơnhông mơdêk krá tơniăn ăm kuăn pơlê a mâu kong têa. Tiah mê, kuăn pơlê thế hlê ple#ng mâu tơdroăng pơkâ xiâm kố ai tơdjâk troh tơdroăng rêh ối dêi vâi tiah lâi. Mâu kăn Kuo#k ho#i mâu kong têa thế pôu râng hnoăng cheăng, rơkong tơpui dêi kuăn pơlê tối ‘na tơdroăng kal kí mê, ôh tá pơrah tung pơlê pơla.

            Xông tơpui a mơgêi hneăng hôp kân ho#i đông IPU 132, poâ Nguyễn Sinh Hùng mơnhên: tâi tâng mâu tơdroăng pơkâ ăm IPU 132 hiăng kêi đeăng tâi tâng. Hên tơdroăng ki kal dêi lâp plâi tơnêi tối tơchuôm [a\ mâu kong têa tối phá xêh hiăng châ tơpui tơno kơtăng, thăm mơhnhôk pêi pro mâu tơdroăng pơkâ mơnhông mơdêk krá tơniăn tung la ngiâ. Tơdroăng châ tơ-[rê dêi IPU 132 kô kum tung hơniâp, tơniăn, tơru\m cheăng a mâu kong têa lâp plâi tơnêi.

            A Sa Ly tơplôu

Pôa Nguyễn Sinh Hùng, Kăn xiâm hnê ngăn Kuo#k ho#i tối tơbleăng ki tơ-[rê dêi hneăng hôp IPU-132 a roh hôp tơbleăng lâp plâi tơnêi

Mâu kăn IPU-132