VOV4.Sêdang - Kơxo lơ 10 khế 7, a Hà Nội, khu kăn xiâm ngăn mâu lêng hneăng hdrối  Việt Nam tơku\m po hneăng hôp khu kăn rôh má 8 hneăng má 5.

A hneăng hôp, mâu kăn tơku\m tơpui tơno ‘na mâu tơdroăng cheăng tung 6 khế a poăng hơnăm 2016. Tiô tối tơbleăng, sap apoăng hơnăm troh nôkố, Khu kăn xiâm ngăn mâu lêng hneăng hdrối Việt Nam hiăng veăng pêi 16 tơdroăng tơkêa bro. Mâu khu mơdêk tơdroăng mơhnhôk ‘’Mâu lêng hơnăm hiăng krâ kum dêi pó pêi pro mâu tơdroăng kơdroh kơtiê, mơnhông cheăng kâ rêh ối’’, veăng pêi cheăng kâ, mơnhông rêh ối pơlê pơla a kong pơlê, tơring cheăm. Tung 6 khế, tâi tâng hiăng kum ‘mâi rơnêu lối 2 rơpâu 100 toăng hngêi ki tơ’nhê, kơdroh lối 1 rơpâu 700 rơpo\ng kơtiê, mơ-eăm mơnhông pêi chiâk deăng, ‘mâi mơnhông ‘na cheăng kâ xua kong tô mơdrăng ó, têa xăng po lân. Pak^ng mê, khu kố ối tơru\m [ă mâu kơ koan, khu râ kơvâ cheăng kong pơlê tí tăng riân liăn vâ to\ng kum ăm lối 50 rơpâu ngế ai cheăng pêi, mê cho mâu ki pro lêng hneăng hdrối [ă kuăn cháu vâi ai cheăng pêi tơniăn. Hneăng hôp hiăng tơpui hên troăng hơlâ pơtối tí tăng xiâm liăn [ă tơdroăng to\ng kum dêi tơnêi têa, veăng ai mâu khu mơdró [ă mâu vâi pú, veăng kum vâ kơdroh kơtiê re\ng, krá ton xo\n vâ pro hngêi ăm mâu vâi pú ki hngêi trăng hiăng xi kơchoh, malối kum ăm kơpong hơngế hơngo, kơpong hdroâng kuăn ngo.

Gương tơplôu [ă tơbleăng