VOV4.Sêdang - A pơlê kong kơdrâm Đà Lạt, Hneăng hôp mâu hdroâng kuăn ngo kong pơlê Lâm Đồng roh má 3 hơnăm 2019 pơxiâm po, veăng amê ai 250 ngế kăn, teăng mâ ăm lối 330.000 vâi krâ hdroâng kuăn ngo tung lâp kong pơlê.

Klêi kơ’nâi 5 hơnăm pêi pro tiô pơkâ kơthô Hneăng hôp mâu hdroâng kuăn ngo kong pơlê roh má 2, tơdroăng pêi cheăng hdroâng kuăn ngo tung kong pơlê Lâm Đồng hiăng châ tơ-[rê hên kal khât. Tung hneăng 2014 – 2019, kong pơlê Lâm Đồng hiăng mơ’no liăn lối 106 rơpâu rơtal liăn mơjiâng hngêi trăng, troăng klông kum tung tơdroăng rêh ối, tơdroăng pêi chiâk deăng dêi vâi krâ kuăn pơlê.

Kơnôm tiah mê kơxo# rơpo\ng kơtiê kơdroh hên rêm hơnăm, mơ’nui hơnăm 2018 pêi lo liăn rêm pơ’leăng mâ kuăn pơlê lâp kong pơlê châ vâ chê 60 rơtuh liăn, kơpong vâi krâ hdroâng kuăn ngo châ vâ chê 36 rơtuh liăn.

Pôa Nguyễn Xuân Tiến, Kăn pơkuâ hnê ngăn cheăng Đảng kong pơlê Lâm Đồng xông tơpui mơnhên, tung la ngiâ kong pơlê kô pơtối pêi pro châ tơ-[rê mâu troăng hơlâ mơnhông mơdêk cheăng kâ-rêh ối a kơpong vâi krâ hdroâng kuăn ngo, ki rơhêng vâ tối tung tơdroăng kơdroh kơtiê krá tơniăn.

Tơdrêng amê, vâi krâ hdroâng kuăn ngo kal thăm mơ-eăm xăm kơklêa kơdroh kơtiê, ôh tá kơnôm to tơnêi têa to\ng kum, thế mơjiâng rơpo\ng phâi tơtô, hơniâp le\m.

A Sa Ly tơplôu [a\ tơbleăng