VOV4.Sêdang - A Hà Nội, Đăi tươ̆ng Phan Văn Giang, Ngế cheăng tung khu xiâm kal kí, Kăn phŏ hnê ngăn Đảng lêng xiâm, Ngế xiâm pơkuâ ngăn lêng, pơkuâ hneăng hôp mâu kăn xiâm pơkuâ ngăn lêng khế 7/2021. Tơpui a hneăng hôp, Đăi tươ̆ng Phan Văn Giang, Ngế xiâm pơkuâ ngăn lêng tối nhên vâ tơbleăng pêi pro ƀă pê klêi mâu tơdroăng cheăng pơcháu pêi tung khế 8 thế tâi tâng mâu lêng tơkŭm tŭm tơdroăng, pêi pro tơ-ƀrê mâu tơdroăng cheăng ki kal.

Pơtối hnê, pêi kơtăng mâu tơdroăng hnê mơhno dêi Tíu xiâm, mơdêk mâu tơdroăng hbrâ mơdât pơreăng COVID -19. Tâi tâng mâu lêng hbrâ tơrŭm ƀă pêi tơ-ƀrê ƀă mâu kong pơlê, ki xiâm cho Pơlê kong kân Hồ Chí Minh ƀă mâu kong pơlê peăng Hdroh tung tơdroăng hbrâ mơdât pơreăng COVID-19, tung mê, tơmâng rak tơniăn ăm mau ngế ki veăng pêi. Mâu kơ koan khu râ pơkuâ cheăng hnê mơhno ăm tâi tâng mâu lêng tơkŭm hnê ăm mâu ngế kơtăng tâ, tơ-ƀrê, tơniăn, tơtro ƀă pơreăng COVID-19; tơmâng hnê mơhno mâu khu ki veăng tơ’noăng a  Army Games 2021 châ tơ-ƀrê má môi.

Gương tơplôu ƀă tơbleăng