VOV4.Sêdang - Hâi lơ 24 khế 3, a Hà Nội, Hngêi rak liăn Tơnêi têa po hneăng hôp mơnhên tối klêi kơ’nâi tối tơbleăng tơdroăng ki ăm mung liăn vâ kum pêi chiâk pêi deăng tiô pơkê kơxo# 14 dêi chin phuh. Tối tơbleăng dêi Hngêi rak liăn Tơnêi têa ăm hlo klêi 2 hơnăm tối tơbleăng, tơdroăng kố hiăng châ pơkâ tiô tơdroăng pơkâ mơ’no [ă mâu tơdroăng ki kal. Mâu khu mơdró kâ châ rah xo kơhnâ khât tơru\m cheăng [ă kuăn pơlê, ‘no liăn cheăng roê kơmăi kơmok chal nếo nôkố tung pêi chiâk pêi deăng vâ ai kế tơmeăm tơniăn, dâi le#m pro ai pơxúa ‘na yă rế tâk ăm kế tơmeăm pêi lo ing chiâk deăng, xua mê tơdroăng rêh ối rế hía rế châ hơ’lêh. Hnê mơhno a Hneăng hôp, pôa Nguyễn Văn Bình, kăn xiâm mơjiâng pro liăn Hngêi rak liăn Tơnêi têa Việt Nam mơnhên tối khât mâu tơdroăng ki tơdroăng kố hiăng pêi pro châ, malối cho tơdroăng tơru\m cheăng krá tơniăn tung hnê mơhno tối tơbleăng tơdroăng kố dêi mâu khu xiâm, kơvâ cheăng, Vi [an hnê ngăn mâu kong pơlê [ă ivá mơeăm dêi mâu khu mơdró kâ [ă  mâu hngêi rak liăn ki ăm mung liăn. Kăn xiâm mơjiâng pro liăn dêi hngêi rak liăn tơnêi têa Việt Nam mơhno nhên, klêi kơ’nâi ki tơdroăng ăm mung pro ai pơxúa cho kal khât tung tơdroăng ki tơku\m po pêi chiâk pêi deăng tung tơdroăng môi tiah dế nôkố.

Katarina Nga tơplôu [ă tơbleăng