VOV4.Xơ Đăng - Kơxo lơ 6/1, a tíu pêi cheăng Chin phuh, tơkŭm po Hneăng hôp mơ’no tơdrêng tung um tiô troăng internet mơgêi pơtân tơdroăng gâk tơniăn troăng klông hơnăm nah  po rơdâ troăng pêi la ngiâ, hnoăng hơnăm kố. Pôa Phạm Bình Minh, Kăn cheăng tung Khu xiâm kal kí, Ngế pro xiâm phŏ hnê ngăn tơnêi têa, Kăn hnê ngăn Viƀan rak tơniăn troăng klông Tơnêi têa pơkuâ Hneăng hôp.

Pôa Phạm Bình Minh, Ngế pro xiâm phŏ hnê ngăn tơnêi têa xông tơpui pơxiâm po hneăng hôp

Tiô tơbleăng a hneăng hôp, hơnăm nah kan sát gâk tơniăn troăng klông lâp tơnêi têa hiăng pơxâu phâk lối 2,8 rơtuh ngế pro xôi, pơxâu phâk liăn vâ chê 3 rơpâu rơtal liăn, xo râng lối 248 rơpâu ƀâng vê rơxế tŭm túa, râng pơtân lối 460 rơpâu toăng rơxế tŭm túa. Xông tơpui a hneăng hôp, pôa Phạm Bình Minh, Ngế pro xiâm phŏ hnê ngăn tơnêi têa tối rơdêi ƀă tơdroăng mơdât pơreăng COVID-19 ƀă vêh tơniăn tiah hmâ ƀă mơdêk tơdroăng rơxế kơtâu, xua mê Ngế pro xiâm phŏ hnê ngăn tơnêi têa pơkâ thế, mâu Khu xiâm, kơvâ cheăng kong pơlê kal hriăn plĕng, pơkâ mơ’no mâu tơdroăng pâ thế mâu troăng kơdroh tơklâm rơxế châ tơƀrê tung la ngiâ kố ah.

A Sa Ly tơplôu ƀă tơbleăng