VOV4.Sêdang - Hâi lơ 15/10, a pơlê kong kơdrâm Đà Lạt, kong pơlê Lâm Đồng hiăng po hneăng hôp mâu kăn xiâm ASEAN – Sinuâ ‘na tơbleăng tơpui kâ rêm pâ a Biển Đông (DOC) rôh má 18. Pôa Nguyễn Quốc Dũng, Ngế pro xiâm pho\ tơpui kâ, pơkuâ djâ khu kăn Việt Nam veăng hôp.

Xông  tơpui a hneăng hôp, Khu kăn Việt Nam tối nhên, mâu tơdroăng ki dế ôh tá tơniăn rơ-iô a Biển Đông, malối cho tơdroăng ‘na pơkuâ [ă tơdroăng tơpui tối dêi Việt Nam dế săm tối, ‘na troăng hơlâ tơná, tơdroăng ki kal ki tơxâng dêi Việt Nam ngăn tiô mâu pơkâ dêi luât lâp plâi tơnêi [ă Luât tơhrâ dêi khu lâp kong têa ‘na Luât têa kơx^ Biển Đông (UNCLOS) hơnăm 1982.  

Khu kăn Việt Nam tối nhên, tơdroăng pêi pro dêi Sinuâ hiăng [ă dế tơdjâk ‘mêi troh ‘na tơdroăng vâ pro hơniâp le\m [ă kring vế tơniăn tung kơpong, [ă ôh tá tơdjâk troh ki tơ’lêi hlâu ăm hnoăng vâ mơnhông tơpui kâ mơjiâng Khu luât tơpui kâ a Biển Đông (COC). Khu kăn Việt Nam hiăng tối hên troăng vâ ‘mâi hơ’leh troăng hơlâ túa pêi cheăng ăm mâu rôh hôp tơpui tơno la ngiâ, tung mê, ai tơdroăng tơku\m tơleăng mơnhên mâu tơdroăng ‘na pơkâ to\ng kum, mơdêk hnoăng cheăng dêi mâu kăn xiâm - SOM tung hnê mơhno [ă pơkâ troăng hơlâ vâ hôp tơpui tơno.  

Gương tơplôu [ă tơbleăng