VOV4.Sêdang - Khu pơkuâ khoa hok [a\ kơmăi kơmok tơru\m [a\ Vi [an tơring Phú Thiện tơku\m po hneăng hôp tơpui tơno khoa hok ‘’Pơkuâ, mơnhông mơdêk inâi mơnhên Phái Phú Thiện – Gia Lai’’. A hneăng hôp tơpui tơno , mâu ngế cheăng khoa hok hiăng tơpui tối, po hên tơdroăng ki tơdjâk troh tơdroăng pro môi tiah lâi pơkuâ [a\ mơnhông mơdêk ‘’inâi mơnhên Phái Phú Thiện – Gia Lai’’; mâu tơdroăng pá puât, tơvâ tơvân [a\ troăng vâ mơjiâng inâi Phái Phú Thiện tung la ngiâ. Xông tơpui a hneăng hôp, Khu kăn pơkuâ Vi [an kong pơlê pói vâ tung la ngiâ, Vi [an tơring Phú Thiện thế pơkuâ, pêi pro tơtro inâi mơnhên ‘’Phái Phú Thiện – Gia Lai’’ vâ la ngiâ mơdêk pêi lo liăn ăm kuăn pơlê pêi chiâk deăng. Kăn pho\ hnê ngăn Vi [an kong pơlê xuân hnê mơhno mâu khu pơkuâ, kơvâ cheăng ki tơdjâk dêi kong pơlê thế veăng rơtế tơring Phú Thiện vâ mơjiâng inâi phái Phú Thiện tung la ngiâ; angiâ cho tơru\m [a\ mâu khu tê mơdró [a\ mâu ngế cheăng khoa hok vâ hnê mơhno kuăn pơlê pêi chiâk deăng pêi tiô troăng ki kơnâ vâ mơdêk pêi lo liăn.

A Sa Ly tơplôu [a\ tơbleăng