VOV4.Sêdang - Hngêi kơmăi on tơhrik An Khê-Ka Nak hiăng châ mơjiâng pro a drô kroăng Pa, ối tung tơring K[ang [ă pơlê kong krâm An Khê dêi kong pơlê Gialai. Rơ’jíu Việt Nam rơtế [ă hên mâu kơ koan chêh hlá tơbeăng, rơ’jíu, um tivi hiăng đi đo tối mâu tơdroăng pêi pro ôh tá tro dêi hngêi kơmăi on tơhrik, Chin phuh xuân hiăng hên hdroh hnê tối tơring kố, la tá hâi teăm kâi châ ‘mâi hơ’lêh. Tơdroăng kuăn pơlê trâm xêh xơpá ‘nâi la lâi kâi châ tơleăng mơnhên [ă to\ng kum. {ai ‘’Hngêi kơmăi on tơhrik An Khê-Ka Nak: pôi tá hêi [a\ tơdroăng pá puât dêi kua\n pơlê!’’ dêi Công Bắc, Ngế chêh hlá tơbeăng Rơ’jíu Việt Nam a kơpong Tây Nguyên ai mơnhên tơdroăng mê.

Pá suâp long têa An Khê – têa kroăng Pa xiâ bê hlo kơdó têa

            Tây Nguyên hiăng mot tung rơnó mêi hngê châ vâ chê 1 khế, ai hên roh kong mêi kân a peăng kơnho\ng têa kroăng Pa, laga kơpong têa kroăng hiu tơkâ hluâ cheăm An Khê, kong pơlê Gia Lai xuân tá hâi ai têa [a\ kong prâi a kố tro ‘mêi. Tơdrêng amê, a peăng kơnho\ng long têa Ka Nak, tơring K[ang [a\ long têa An Khê, pơlê kân An Khê pơtối ai têa, drô hno têa pêng păm to têa, mê a kơpong pá suâp têa kroăng Pa ôh tá ai têa híu iâ, tơdroăng ki kố hiăng hlo ai sap ing nah.

Pá pêng long têa An Khê – têa pêng păm hiu tiu hno têa ke\n Bình Định, mơ’no on tơhrik klêi mê hiu lo a têa kroăng Kon

Ôh tá xê to hngêi kơmăi a peăng kơnho\ng ai long hdoăng têa, pro têa chiâng ai hên a kơpong mê, [a\ mâu hngêi kơmăi mơjiâng pro xik, hngêi kơmăi pôm loăng [a\ hía hé, mơ’no têa ‘mêi lo a têa kroăng, laga têa hiu ôh tá têi, ôh tá kâi mơhiu tah tâi têa ki ‘mêi. Tung pơla kố nah kuăn pơlê rêh ối tơchuâm [a\ têa, tơnêi ‘mêi ‘mâk kố. Lâp môi kơpong pá suâp kân rơdâ, môi tiah châ mơngế kuăn ke\ng tâng pơchông ngăn [a\ kong prâi tro pơrea\ng u\m tung châ, rêh ối tung pá puât ôh tá ‘nâi la lâi nếo kâi prêi! Pôa Lê Văn Cư, ối a tôh kơpho# 16, bêng An Phú, pơlê krâm An Khê, tối: Tâi tâng kuăn pơlê tô tuăn khât drêng têa kroăng Pa tro ‘mêi. Laga ki nhên ga, hnoăng pơkuâ ngăn dêi mâu kơvâ cheăng, mâu khu râ [a\ tơdroăng ki têa tro ‘mêi kố ôh tá hlo châ hơ’lêh. Xua mê, hiăng to lâi hơnăm kố têa thăm rế ‘mêi ó.

Long têa hngêi kơmăi on tơhrik An Khê

            Ôh tá xê nếo achê pơla kố nah, tơdroăng têa tro ‘mêi ing hngêi kơmăi on tơhrik An Khê – Ka Nak hiăng châ tối hên xôh, ing roh hôp Kuo#k ho#i troh mâu roh pêi cheăng dêi khu kăn pơkuâ Đảng, Tơnêi têa pin a Gialai. Péa hơnăm pơtối, Gialai trâm kong tô khăng khoăng ó. Drêng kong tô khăng khoăng tiah mê, tơdroăng hdoăng têa a têa kroăng Pa hiăng hlo ki ôh tá tơtro dêi hngêi kơmăi on tơhrik An Khê – Kang Nak. A peăng pá suâp têa kroăng Pa, kong prâi pro ôh tá tơniăn [a\ xua ing tơná kuăn mơngế pro há, pro tơdroăng rêh ối dêi lối 450 rơpâu ngế kuăn pơlê ối tung 7 tơring, pơlê kong krâm pá puât. Khu kăn pơkuâ kong pơlê Gialai đi đo pâ Chin phuh [a\ mâu kơ koan ki pơkuâ tối, tung mơjiâng pro ôh tá xôi. Pôa Võ Ngọc Thành, Kăn hnê ngăn Vi[an kong pơlê Gia Lai, tối: Túa pêi pro ôh tá ai xôi, laga tơdroăng rêh ối dêi kuăn pơlê cho pá. Xua mê, ngin xuân séa ngăn tơdroăng pêi pro kố, gá ai tơdroăng tá hâi tơtro, mê ngin hlo thế tơmiât pêi pro tơ-ê. Mơ’no têa iâ má môi cho 4 met kho#i môi yâi [a\ 4 – 6 – 8 met kho#i tung môi yâi, drêng rơnó tô, mê tiô ngin séa ngăn, ối iâ tâng pơchông [a\ tiah hmâ a hdrối hngêi kơmăi kố mơ’no on tơhrik, mê mơ’no têa cho iâ. Xua mê, thế pơtối séa ngăn tơdroăng mơ’no têa, kô chiâng kơdroh ivá mơ’no on tơhrik, laga tơdroăng rêh ối dêi kuăn pơlê kô niên tâ.

Pôa Trịnh Đình Dũng, Ngế pro xiâm pho\ hnê ngăn tơnêi têa lăm séa ngăn hngêi kơmăi on tơhrik An Khê – Ka Nak

            Tơmâng rơkong kuăn pơlê [a\ khu kăn pơkuâ kong pơlê pâ thế, tung khế 4, pôa Nguyễn Xuân Phúc, Ngế pro xiâm hnê ngăn tơnêi têa pin hiăng hnê mơhno Khu xiâm pơkuâ ngăn kơmăi kơmok [a\ tê mơdró, Grup pơkuâ hngêi kơmăi on tơhrik Việt Nam tơbleăng tơdroăng mơjiâng pro, mơ’no têa tung long têa hngêi kơmăi on tơhrik An Khê – Ka Nak. Ing mê, pơkâ túa vâ tơniăn bê têa ăm kuăn pơlê ki rêh ối pá suâp têa kroăng Pa. Vâ pêi pro tro tơdroăng hnê mơhno dêi Ngế pro xiâm hnê ngăn tơnêi têa, nếo achê pơla kố, pôa Trịnh Đình Dũng, Ngế pro xiâm pho\ hnê ngăn tơnêi lăm séa ngăn, klêi mê, pơkuâ roh pêi cheăng [a\ khu kăn pơkuâ kong pơlê Gialai [a\ khu xiâm, kơvâ cheăng tơnêi têa vâ tơleăng mâu tơdroăng ki ôh tá tơniăn xua long têa hngêi kơmăi kố. Tung mâu tơdroăng hnê mơhno dêi Ngế pro xiâm pho\ hnê ngăn tơnêi têa, tơdroăng ki xiâm tung mơjiâng pro on tơhrik, ôh tá chiâng pro tro lu\p ăm kuăn pơlê: Thế trâm mâu kuăn pơlê, mâu khu cheăng kal kí – rêh ối pơlê pơla, mâu ngế cheăng khoa hok kih thua#t, mâu ngế ai hnoăng vâ tơpui tơno, vâ rơtế hlê ple\ng môi tiah dêi pó. Ôh tá pro pá ki pơxúa dêi pó, ki rơhêng vâ tối cho ki pơxúa dêi kuăn pơlê. Xua ki xiâm pin mơjiâng pro on tơhrik vâ bê on tơhrik [a\ tơ’lêi tâ tung pêi cheăng kâ, rêh ối dêi kuăn pơlê, rêm ngế kuăn pơlê pơrá châ pơxúa, tơnêi têa mơnhông tơtêk, laga ôh tá chiâng pro lu\p ăm kuăn pơlê. Tâng pin pro tro lu\p ăm kuăn pơlê, pin thế pôu râng hnoăng cheăng, thế séa ngăn kơtăng khât, tăng troăng to\ng kum kuăn pơlê.

            Hiăng hên hơnăm, hngêi kơmăi on tơhrik An Khê – Ka Nak ôh tá vâ tơmâng tơdroăng ki pá puât dêi kuăn pơlê rêh ối pá suâp têa kroăng Pa. Pói tơngah, [a\ mâu rơkong kơbông krếo thế to\ng kum dêi khu kăn pơkuâ [a\ kuăn pơlê, Chin phuh kô ai mâu tơdroăng hnê mơhno [a\ séa ngăn tơdroăng hnê mơhno, tơleăng nhên mâu tơdroăng ki tá hâi tơtro tung mơjiâng pro hngêi kơmăi on tơhrik An Khê – Ka Nak.

A Sa Ly tơplôu [a\ tơbleăng