VOV4.Sêdang - Ô vâi krâ nho\ng o [ă pú hmâ! Hngêi ăm sinh viên Khoa Y – Đăi hok Tây Nguyên châ ‘no lối 35 rơtal liăn mơjiâng pro sap ing kơxo# liăn Tê ph^u dêi Chin phuh, la xua rah xo tíu ki ôh tá tơtro mê nôkố ki hên cho mâu on veăng, rơpo\ng hngêi kăn [o# mung vâ ối. Ki rơhêng vâ tối akố, hngêi mơjiâng pro lối chât rơtal liăn kố mơjiâng pro tiu túa ki ôh tá tro tơdroăng, nếo pơxiâm xúa 3 hơnăm kố hiăng tơ’nhiê, pro mơhrê tê kơtê liăn ngân dêi tơnêi têa. {ai chêh a kơ’nâi kố dêi khu chêh hla tơbeăng cheăng tung Rơ’jiu Việt Nam a Tây Nguyên ai mơnhên tối ki ai khât ‘na tơdroăng mê.

Hngêi ăm sinh viên Khoa Y ối dêi hngêi trung Đăi ho\k Tây Nguyên châ mơjiâng pro a kơpong kơdrâm kuăn pơlê rêh ối, ối tung tôh kơpho# 12, bêng Tân Thành, pơlê kong kơdrâm {uôn Ma Thuột, kong pơlê Dak Lak. Hngêi kân rơdâ, péa kơpong hngêi 5 râ, ai 120 kơbong, bê ăm 1 rơpâu ngế sinh viên ối. Laga, xua mơjiâng pro hơngế kơtăn hngêi trung Đăi ho\k, ôh tá ai tíu pế pơchên hmê kơchâi, ôh tá tơ’lêi tung prôk lăm, hriâm tâp, xah hêi; yă mung ối kơnâ, tơdrêng amê, hngêi ôh tá dâi le#m há, xua mê, iâ sinh viên troh ối akố; ki ‘nâ sinh viên vâi ối môi pơla tê klêi mê ôh tá ối xếo, vêh ối a tíu ki achê hngêi trung: Á inâi cho Hà Minh Tài, sinh viên hơnăm má 3, khoa y, hngêi trung Đăi ho\k Tây Nguyên. (Êng) Êh hôm ‘nâi hngêi ăm sinh viên khoa Y ối há, hngêi trung Đăi ho\k Tây Nguyên mê? (Tiâ) A ối amê 2 khế, hơnăm má môi nah, laga xua hơngế ho\ng hngêi trung, klêi mê a ôh tá vâ ối xếo, lăm ối achê hngêi trung. Achê hngêi trung tơ’lêi tâ, akố achê, tơ’lêi prôk lăm hriâm. Xua akố yă mung kơbong ối rơpâ, ôh tá hâ ho mơtiah hngêi ăm sinh viên khoa y ối mê.

            Poâ Nguyễn Văn Cương – Kăn pơkuâ Tíu xiâm rak ngăn hok tro – sinh viên, hngêi trung Đăi ho\k Tây Nguyên tối ăm ‘nâi, mơhé hiăng tơbleăng troh tâi tâng hok tro – sinh viên mâu hngêi trung kao đăng, trung kâp chuyên nghiệp tung pơlê kong kơdrâm {uôn Ma Thuột, laga kơxo# mơngế lăm mung kơbong ối a hngêi ăm sinh viên khoa y ối cho iâ. Xiâm kối xua hngêi kố ôh tá tơtro tiu sinh viên púi vâ, ôh tá ai tíu xah hêi tơchuôm, tíu hriâm tâp; ôh tá ai hngêi kăng-tin, hngêi ‘măn rơxế, kơpong xah hêi [a\ hía hé. Poâ Nguyễn Văn Cương tối tô tuăn khât ‘na tơdroăng ôh tá tơtro kố: Hngêi ăm sinh viên khoa y ối, mơjiâng a kơpong hơhngế hngêi trung, rơxế prôk lăm ôh tá ai, ôh tá ai tu\m kế tơmeăm khoăng amê; ki hên cho ăm mâu kăn [o#, hok tro a hngêi trung ê mung, tơdroăng ki mê cho ôh tá tơtro. Apoăng klêi kơ’nâi mơjiâng pro kêi hngêi, pơcháu ăm ngin, mê ngin ôh tá chiâng ăm kơbố mot ối, bố rak ngăn tiah mê tê. Kơ’nâi mê drêng hiăng ai on tơhrik, têa,  mê nếo chiâng ăm ối .

            Tiu vê hdró, hngêi kố bê ăm dâng 1 rơpâu ngế sinh viên ối, laga nôkố ki hên ăm mâu kăn [o# pêi cheăng tung pơlê kong kơdrâm {uôn Ma Thuột mung ối. Tung kơxo# 265 ngế dế ối akố, bố ai 112 ngế cho sinh viên, ki ê cho kăn [o# dêi hngêi trung Đăi ho\k Tây Nguyên [a\ mâu kăn [o# pêi cheăng a mâu kơ koan ki ê. Ki hên cho ăm kăn [o# mung kơbong ối, vâi ối akố djâ tâi tâng tá dêi rơpo\ng, [a\ vâi hiăng hơ’lêh pro tơ-ê tung kơbong ối kố, drô hâng lông chiâng tíu pế pơchên hmê kơchâi, vâi xúa [aih, tôl hding tât khía, tá mâu kơxái cap um tivi, pro hngêi ăm sinh viên ối ngăn chiâng ‘mêi ‘mâk. Tơdrêng amê, hên xoăng ki péa râ, kơtuh meăm roê vâ ăm sinh viên ối koi pơtê, tâ ‘măn dêi kơxop mơ-éa, nôkố ôh tá xúa, ‘măn drô hâng lông [a\ pá kơdâm kông, mê nôkố hiăng kơcheăng tâi tâng.

            Nếo xúa 3 hơnăm, la tíu pá gong hngêi ăm sinh viên ối hiăng rơheăng, ‘mêi ‘mâk, hlo cho hiăng tơ’nhê hên. Drô hâng lông, mâu tíu tung hngêi kât kơmôu kơmak, tơlêa tơle\ng tâi tâng. Poâ Nguyễn Văn Lan – kăn [o# pơkuâ akố tối ăm ‘nâi: Akố hiăng xêo kơxo# kơbong ki tơ’nhiê, má môi cho mâu kơbong pế pơchên hmê kơchâi hiăng rơheăng, kât kơmôu, tơlêa tâi tâng, têa kơto troh kơbong pá kơdâm. Hngêi kố ai 60 kơbong, laga ai dâng 20 kơbong hiăng tơ’nhê, hngêi râ pá tá, ai mâu kơbong hiăng tơ’nhê. Kơbong têa si kơchoh hên ‘nâng, hngêi lăm dế, hngêi hum têa xuân si têa kơto, drêng lăm dế mê thế râng hlá tu, xua têa si ho\ng kơbong râ pá pêng. Mâu ki ối akố vâi xuân tơpui tối hên, xua hngêi tơ’nhê ó ‘nâng.

            O Đặng Hồng Tín, sinh viên khoa Y, hngêi trung Đăi ho\k Tây Nguyên, pơlê a Quảng Ngãi rơtế 2 ngế ki ê mung kơbong akố tối ăm ‘nâi, rêm hneăng nâp liăn lối 2 rơtuh, laga rêh ối ôh tá tơniăn, xua têa si kơchoh mot tung veăng. Dế rơnó tô tiah kố, laga kơbong, veăng hngêi ăm sinh viên ối akố, xuân si têa, drô kơbong pế pơchên hmê kơchâi to têa, hngêi hum xuân ai têa. O Đặng Hồng Tín tối: Kơbong á ối kố pá môi tiah kố, mê cho si têa kơchoh; hâi ki lâi xuân dâ têa, pêng tung kơthung mê ok tah. (Êng) Mê, môi hâi têa kơto hôm pêng môi kơthung há? Pêng ‘nâng, lối môi kơthung. Tung hngêi hum, hngêi lăm dế têa xuân kơto tiah mê há. Lăm dế, lăm hum lơ hleăng mơngeăn, têa xuân kơto môi tiah mê đi đo, cho pá ‘nâng.

            Tiu khu pơkuâ hngêi ăm sinh viên ối – hngêi trung Đăi ho\k Tây Nguyên tối, tơdroăng ki ôh tá tơtro dêi hngêi ăm sinh viên khoa y ối kố, hiăng hlo sap apoăng mơjiâng pro nah. Hơnăm 2009, cho khu ki mơ’no liăn mơjiâng pro, khu râ kăn pơkuâ Đăi ho\k Tây Nguyên veăng rơtế Khu mơjiâng pro kế tơmeăm khoăng [a\ khu râ kăn teăng mâ Vi[an kong pơlê Dak Lak po rơdâ pêi pro vâ mơjiâng hngêi ăm sinh viên ối. Ai hên mâu kăn tối tíu vâ mơjiâng pro hngêi ăm sinh viên khoa y ối tung kơpong dêi hngêi trung Đăi ho\k Tây Nguyên cho tơtro má môi, tơ’lêi ăm sinh viên prôk lăm, tơ’lêi tơdroăng hriâm tâp, hlá tơ’lêi tung pơkuâ, laga ôh tá châ môi tuăn. Poâ Nguyễn Tấn Vui, thái pơkuâ hngêi trung Đăi ho\k Tây Nguyên tối ăm ‘nâi, ngế ki pơkâ tơdroăng kố dêi hngêi trung mê cho poâ Nguyễn Xuân Thao, laga drêng tơdah kế tơmeăm khoăng, mê poâ thế tơleăng tơdroăng kố. Hơnăm 2012, mơhé hiăng séa ngăn, pơcháu, laga xuân tá hâi chiâng vâ ăm ối, xua ôh tá ai on tơhrik, ôh tá ai têa, ôh tá ai tíu vâ mơgrúa têa ‘mêi [a\ ôh tá ai hngêi ‘măn rơxế. Kuăn pơlê a kơpong mê xuân hiăng hên roh troh tối a Ho#i đông kuăn pơlê kong pơlê Dak Lak ‘na tơdroăng ‘mêi kong prâi [a\ tơdroăng ki mơ’nhê liăn tê kơtê xua mơjiâng pro hngêi ăm sinh viên khoa y ối kố xua ôh tá châ tơ-[rê. Xua mê, hngêi trung Đăi ho\k Tây Nguyên thế mung hdrối liăn ngân tơnêi têa vâ pơtối mơ’no liăn cheăng, tơleăng tơdroăng kố. Troh nôkố, hngêi trung xuân ối che#n khu ki mơjiâng pro lối 3 rơtal liăn, chêl liăn tá hâi tu\m, ôh tá ‘nâi la lâi nếo kâi chêl tâi. Poâ Nguyễn Tấn Vui tối: Tơdroăng mơ’no liăn mơjiâng pro apoăng, mê ngin xuân hôp [a\ pơkâ, thế mơjiâng pro akố, xua a kố u ối tơnêi, tơku\m a mâu hngêi ăm sinh viên ối, a tâi hơngế hngêi trung, laga kong pơlê ôh tá vâ môi tuăn, kong pơlê pơkâ thế mơjiâng pro a tâi. Laga klêi kơ’nâi mơjiâng, séa ngăn, laga ôh tá chiâng ăm xúa. Xua tá hâi kêi tu\m; ôh tá ai on tơhrik, ôh tá ai têa, ôh tá ai tíu mơ’no têa ‘mêi. Xua mê, drêng a to pro thái pơkuâ hngêi trung, mê xúa kơxo# liăn hngêi trung vâ mơ’no liăn mơjiâng pro, ki nhên khât hnôu ‘măn liăn ăm mung xo hdrối, laga ôh tá ‘nâi to lâi, xua xo hdrối ôh tá tro tiu pơkâ. Xua mê, nôkố ối che#n peăng khu ki mơjiâng pro 3 rơtal liăn, che#n tá hâi tâi’’.

            Môi kơpong hngêi ăm vâ chê 1 rơpâu ngế ối, a tíu xiâm pơlê kong kân {uôn Ma Thuột, kơchơ túa má môi ối tung kong pơlê Dak Lak, laga ôh tá ai on tơhrik, têa, ôh tá ai tíu mơ’no têa ‘mêi, ôh tá ai tíu ‘măn rơxế [a\ hía hé, mê ối châ séa ngăn, pơcháu ăm pơkuâ. Lối 35 rơtal liăn ho\ng ph^u liăn Chin phuh mơ’no ăm hok tro – sinh viên, mâu ngế ki pá ‘na hngêi trăng, laga nôkố ki hên ăm mâu rơpo\ng kăn [o# a pơlê kong kơdrâm {uôn Ma Thuột mung ối. Laga nếo xúa tá hâi châ 1 kơpêng 3 ivá tâng vâ pơchông [a\ vê hdró mơjiâng pro, [a\ nếo ăm ối to lâi hơnăm kố, mê hngêi kố hiăng tơ’nhê ó. Tơdroăng mơnhê liăn tê kơtê kố kơbố ah pôu râng?

A Sa Ly tơplôu