VOV4.Sêdang - Hngêi pơkeăng kân lối hâ ho mơngế khăm pơlât, cho tơdroăng ki hiăng hmâ hlo. Laga, hâ ho châ 3 xôh a môi kong pơlê tơnêi kân rơdâ, kuăn mơngế iâ cho tơdroăng ki kal athế ‘nâi ple\ng. Tơdroăng kố hiăng dế ai a hngêi pơkeăng kân kong pơlê Dak Lak tung hên hơnăm kố [a\ thăm rế hâ ho drêng pơrea\ng tơngê lo mơheăm xông tâ tú. {ok thái pơkeăng Bùi Trường Phong, kăn pơkuâ hngêi pơkeăng kân kong pơlê Dak Lak tối ăm ‘nâi, hngêi pơkeăng ai 500 to xoăng, rêm hơnăm tơnêi têa roê tơ’nôm xoăng koi pơlât, laga hiăng hâ ho, tơdrêng amê, kơxo# mơngế tamo châi rế hía rế kơdrâm, mê tơdroăng hâ ho a hngêi pơkeăng thăm rế hên. Vâ tơ’lêi hlâu  tơdroăng pơlât, hngêi pơkeăng kân kong pơlê Dak Lak hiăng mơ’no dêi hên ngế pêi cheăng a mâu kơbong pơlât, lăm pơlât a mâu kơpong ki lối hên mơngế tamo châi.