VOV4.Sêdang - Kơxo lơ 15 khế 1, a Hà Nội, Hngêi tơleăng xiâm po Hneăng hôp mơgêi hnoăng cheăng hơnăm 2015 [ă tối tơbleăng hnoăng cheăng tơleăng hơnăm 2016. Xông tơpui a rôh po hneăng hôp, pôa Trương Tấn Sang, kăn xiâm hnê ngăn tơnêi têa khe#n kơdeăn mâu tơdroăng ki châ tơ-[rê, pêi klêi kơvâ tơleăng tung hơnăm 2015 hdrối kố nah. Kăn xiâm hnê ngăn tơnêi têa pơkâ thế Hneăng hôp mơnhên tối mâu tơdroăng ki ối ‘ro, mơnhên xiâm kối, malối cho mâu tơdroăng ki xiâm pơkâ mơ’no mâu troăng hơlâ ki ‘mâi rơnêu. Kăn xiâm hnê ngăn tơnêi têa tối rơdêi, hơnăm 2016 cho hơnăm ki apoăng tối tơbleăng pêi pro mâu tơdroăng pơkâ Hneăng hôp tâi tâng lâp tơnêi têa rôh má 12 dêi Đảng, tơnêi têa pin pơtối tơru\m cheăng trâu hơngế, malối cho tơdroăng ki mơjiâng kong têa cheăng kâ ASEAN, tối tơbleăng tơdroăng tơkêa tơru\m cheăng tơkâ hluâ Thái Bình Dương – TPP. Tơkêa tê mơdró tơniăn pơla Việt Nam [ă EU, Khu tơru\m cheăng kâ châu Á [ă châu Âu, tung pơla mâu kong têa tung lâp plâi tơnêi, kơpong ôh tá tơniăn, tơdroăng cheăng kâ rêh ối dêi tơnêi têa ối trâm hên xơpá. {ă hngêi tơleăng kuăn pơlê, hngêi tơleăng lêng rêm râ, mâu tơdroăng cheăng gá ai hên khât, hên hnoăng cheăng ki nếo, ki kal pâ thế khu kăn [o#, kông chưk mâu hngêi tơleăng mơ-eăm ‘no ivá mê tơngah kô kâi pêi klêi hnoăng cheăng.

Katarina Nga tơplôu [ă tơbleăng